ముద్దుగుమ్మ కాజల్‌ అగర్వాల్‌ స్టార్‌ హీరోయిన్‌గా ఓ వెలుగు వెలిగిన అనతికాలంలోనే ఆఫర్లు కొరవడి చాలా ప్రయత్నాలు చేస్తోంది. ఈ అమ్మడు ప్రస్తుతం ‘ఇండియన్‌ 2’ చిత్రంతో పాటు ఒక బాలీవుడ్‌ సినిమాలో నటిస్తోంది. అంతకుమించి ఈమె చేతిలో చెప్పుకోదగ్గ ప్రాజెక్ట్‌లు లేవు. పారితోషికం భారీగా డిమాండ్‌ చేస్తుందనే ఉద్దేశ్యంతో ఈమెకు చాలా ఆఫర్లు వెనక్కుమళ్లాయి. అయితే ఇటీవల ఈ అమ్మడు తన రేట్‌ను చాలా తగ్గించానని నిర్మాతలకు సందేశాలను పంపిన విషయం తెల్సిందే. అంతేకాకుండా చిన్న బడ్జెట్‌లో సినిమాలను నిర్మించే పనిలో కూడా పడింది. అందుకు సంబధించిన ఈ అమ్మడి టీం ప్రొడక్షన్‌ వర్క్‌ మొదలెట్టింది.
ప్రస్తుతం టాలీవుడ్‌, బాలీవుడ్‌, కోళీవుడ్‌లలో వెబ్‌సిరీస్‌ హవా సాగుతోంది. చాలామంది ప్రముఖులు వెబ్‌ సిరీస్‌లను ప్రారంభించారు. దాంతో కాజల్‌ కూడా ఈ కొత్త ప్రయాణం చేయడానికి రెడీ అయ్యింది. తమిళ దర్శకుడు వెంకట్‌ ప్రభు ప్లాన్‌ చేస్తున్న వెబ్‌ సిరీస్‌లో కాజల్‌ కీలక పాత్రలో కనిపించనుంది. హాట్‌ స్టార్‌ ఈ వెబ్‌ సిరీస్‌ను ప్రసారం చేయనుంది. తెలుగులో కూడా హాట్‌స్టార్‌ డబ్బింగ్‌ చేయాలని ప్లాన్‌ చేస్తున్నారు. అయితే కాజల్‌ మొదలెట్టిన ఈ కొత్త ప్రయాణం ఎంతవరకు వర్కౌట్‌ అవుతుందో చూడాలి.
