అల్లు అర్జున్‌ హీరోగా త్రివిక్రమ్‌ దర్శకత్వంలో తెరకెక్కుతున్న ‘అల వైకుంఠపురములో’ చిత్రం షూటింగ్‌ శరవేగంగా జరుగుతోంది. మరో రెండు మూడు నెలల్లో చిత్రీకరణ పూర్తి చేసేందుకు యూనిట్‌ సభ్యులు అంతా కూడా చాలా కష్టపడుతున్నారు. ఇటీవలే హైదరాబాద్‌లో కీలక సన్నివేశాల చిత్రీకరణ జరిపారు. త్వరలో మరో షెడ్యూల్‌ను కూడా నిర్వహించబోతున్నారు. ఆ షెడ్యూల్‌లో ఐటెం సాంగ్‌ను చిత్రీకరించబోతున్నట్లుగా సమాచారం అందుతోంది. అందుకోసం ఏర్పాట్లు జరుగుతున్నాయి. ఇక ఐటెం సాంగ్‌లో కనిపించబోతున్న హీరోయిన్‌ ఎవరా అనే విషయమై ఆసక్తి నెలకొంది.
విశ్వసనీయంగా అందుతున్న సమాచారం ప్రకారం ఈ చిత్రంలో కాజల్‌ ఐటెం సాంగ్‌ను చేస్తున్నట్లుగా తెలుస్తోంది. త్రివిక్రమ్‌ ఇప్పటికే కాజల్‌ను ఒప్పించాడని, నిర్మాత అడ్వాన్స్‌ ఇచ్చాడని సమాచారం అందుతోంది. గతంలో కూడా ఐటెం సాంగ్‌లు చేసిన కాజల్‌ ఈమద్య కాస్త తగ్గించింది. పక్కా లోకల్‌తో దుమ్ము రేపిన కాజల్‌ మళ్లీ వైకుంఠపురంలో రచ్చ చేయడం ఖాయంగా కనిపిస్తుంది. ఈ చిత్రంలో పూజా హెగ్డే హీరోయిన్‌గా కనిపించబోతున్న విషయం తెల్సిందే. ముఖ్య నటీనటులు ఎంతో మంది ఈ చిత్రంలో కనిపించబోతున్నారు.
