స్టార్‌ హీరోయిన్‌గా ఓ వెలుగు వెలిగిన ముద్దుగుమ్మ కాజల్‌ అగర్వాల్‌ ఆ తర్వాత భారీ పారితోషికం డిమాండ్‌ చేయడంతో అనతి కాలంలో అవకాశాలు తగ్గిపోయాయి. అయితే ఆ తర్వాత రేటు తగ్గించి వరుస చిత్రాల్లో నటిస్తూనే ఉంది. కానీ ఈ అమ్మడికి ఆశించిన హిట్‌ పడడం లేదు. ఇక మెగాస్టార్‌ చిరంజీవి రీ ఎంట్రీ ఇచ్చిన ‘ఖైదీనెం. 150’ చిత్రంతో తన సత్తా చాటుకుంది. మొదట్లో ఈ చిత్రంలో నటించడానికి కాజల్‌ చిరుకు నో చెప్పింది. కానీ పారితోషికం విషయంలో మళ్లీ వెనక్కి తగ్గి చిరుకు ఒకే చెప్పింది. చిరుతో రొమాన్స్‌ చేసినందుకు కాజల్‌కు మంచి మార్కులే పడ్డాయి.
చిరు, కాజల్‌ల జంటకు మంచి మార్కులు పడడంతో మరోసారి ఈ జంట వెండి తెరపైకి వచ్చే ఛాన్స్‌ ఉంది. మెగాస్టార్‌ ‘సైరా’ చిత్రం తర్వాత కొరటాల శివ దర్శకత్వంలో నటించనున్నాడు. ఈ చిత్రంలో స్టార్‌ హీరోయిన్‌ని ఎంపిక చేయాలని కొరటాల ప్లాన్‌ చేశాడు. కానీ చిరుతో నటించేందుకు స్టార్‌ హీరోయిన్లు అంతగా ఆసక్తి కనబర్చడం లేదు. దాంతో మరోసారి ఖైదీ భామనే చిరు పక్కన పెట్టాలని కొరటాల ప్లాన్‌ చేశాడు. ఇక చిరుతో నటిస్తే పారితోషికంతో పాటు హిట్‌ కూడా గ్యారెంటీ అని కాజల్‌ కూడా గ్రీన్‌ సిగ్నల్‌ ఇచ్చినట్టు తెలుస్తోంది.
