మాస్ డైరెక్టర్ బోయపాటి శ్రీను మెగా పవర్ స్టార్ రామ్ చరణ్ తో ఓ పవర్ ఫుల్ యాక్షన్ మూవీ చేస్తున్న సంగతి తెలిసిందే. చరణ్ కు జోడిగా కైరా అద్వానీ హీరోయిన్ గా నటిస్తుంది. అయితే కైరా అద్వానీ తనను డైరెక్టర్ బోయపాటి శ్రీను ఏడిపించాడట. ఈ మాట వింటుంటే.. ఇవేవో వేధింపులు అనే అనుమానం రాక మానదు. కానీ అది వేధింపుల కోవకు రాదట. ఈ సంగతి చెప్పింది కైరా అద్వానీ.
ఈ సినిమాలో ఓ సన్నివేశం కోసం 32 సార్లు తనను ఏడిపించాడట. సన్నివేశంలో పర్ ఫెక్షన్ కోసం బోయాపాటి అలా చేశారని, ఇందులో ఆయనను అనుమానించాల్సింది ఏమీ లేదని కైరా చెప్పుకొచ్చింది. దీని బట్టి తెలుస్తుంది డైరెక్టర్ బోయపాటి ప్రతి సీన్ ను ప్రాణం పెట్టి తీస్తాడని. ఇప్పుడు చిత్ర బృందం కీలక యాక్షన్ సన్నివేశాల కోసం అజర్ బైజాన్ దేశం వెళ్లిందట.
డీవీవీ దానయ్య ఈ చిత్రాన్ని నిర్మిస్తుండగా , దేవి శ్రీ అదిరిపోయే సంగీతం అందిస్తున్నాడు. బీహార్ బ్యాక్ డ్రాప్ లో ఈ సినిమా ఉండబోతుంది.