ప్రపంచాన్ని వణికిస్తోన్న కరోనా వైరస్‌ సామాన్యుల నుంచి దేశాధ్యక్షుల వరకు ఎవర్నీ వదలడంలేదు. తాజాగా గ్రామీ పురస్కార గ్రహీత, అమెరికాకు చెందిన ప్రముఖ గాయకుడు జో డిఫ్ఫే కరోనా వైరస్‌తో మరణించాడు. కొవిడ్‌-19 కారణంగా జో మరణించాడని ఆయన అధికారిక ఫేస్‌బుక్‌ పేజీలో ప్రకటించారు.
చనిపోవడానికి రెండు రోజుల క్రితమే తనకు కొవిడ్‌-19 కొవిడ్‌ ఉన్నట్లు జో డిఫ్ఫే ప్రకటించాడు. ఈ సమయంలో నాతో సహా నా కుటుంబసభ్యులు ప్రత్యేకంగా ఉండాలని అధికారులు సూచించారు. ఈ మహమ్మారి విజృంభిస్తున్న సమయంలో ప్రజలు, ముఖ్యంగా నా అభిమానులు అప్రమత్తంగా, అత్యంత జాగ్రత్తతో ఉండాలని గుర్తుచేస్తున్నామంటూ ప్రకటనలో చెప్పుకొచ్చారు.
