పవన్ కళ్యాణ్ కెరీర్ లో జల్సా సినిమాకి ప్రత్యేకమైన స్థానం వుంది. ఖుషి సినిమా తర్వాత ఏడేళ్ల వరకూ వరుస ఫ్లాపులతో అభిమానులను నిరాశపరుస్తున్న పవన్ కు హిట్ ఇచ్చిన సినిమా జల్సా ప‌వ‌ర్ స్టార్ పవన్ కళ్యాణ్, త్రివిక్రమ్ శ్రీ‌నివాస్‌ది విజ‌య‌వంత‌మైన జోడీ అనిపించుకున్నది ఈ సినిమాతోనే. గీతా ఆర్ట్స్ బ్యానర్ పై అల్లు అరవింద్ నిర్మించిన ఈ సినిమా విడుదలై నేటితో 12 సంవత్సరాలు పూర్తయ్యాయి.
2008 ఏప్రిల్ 2న విడుదలైన ఆ సినిమా కలెక్షన్ల వర్షం కురిపించి ఏడేళ్లుగా హిట్స్ లేని పవన్ కు ఊరటనిచ్చిన సినిమాగా నిలిచింది. మొదటివారం వరల్డ్ వైడ్ గా 23కోట్లు వసూలు చేసి అప్పట్లో రికార్డు క్రియేట్ చేసింది. త్రివిక్రమ్ మార్క్ డైలాగులు, కామెడీ, టేకింగ్ సినిమాకు ప్రధాన ఆకర్షణగా నిలిచాయి. ఇప్పటికీ ఈ సినిమా పాటలు వినిపిస్తూనే వుంటాయి. మొత్తానికి ఈ సినిమా అభిమానులని అలరించి.. పన్నెండేళ్ళు అవుతుంది.