ఆర్ఆర్ఆర్ ’ సినిమా పూర్తి చేసి కాస్త విరామం తీసుకున్నారు కథానాయకుడు ఎన్టీఆర్. ఇప్పుడాయన కొరటాల శివ చిత్రాన్ని పట్టాలెక్కించేందుకు సిద్ధమయ్యారు. ఇది తారక్‌ నటించనున్న 30వ సినిమా. పాన్‌ ఇండియా స్థాయిలో రూపొందనుంది. నందమూరి కల్యాణ్‌రామ్‌, సుధాకర్‌ మిక్కిలినేని సంయుక్తంగా నిర్మిస్తున్నారు. ఈ సినిమాలో హీరోయిన్ ఖరారైయింది. జాన్వీ కపూర్ ని హీరోయిన్ గా ఫైనల్ చేశారు. జాన్వి నటిస్తున్న తొలి తెలుగు చిత్రం ఇదే.
కాగ ఈ చిత్రం కోసం ఎన్టీఆర్ తన శరీరాకృతిని మార్చుకానున్నారు. ఇందుకోసం ప్రస్తుతం ఆయన బరువు తగ్గే ప్రయత్నాల్లో ఉన్నట్లు వార్తలు వినిపిస్తున్నాయి. ‘జనతా గ్యారేజ్‌’ లాంటి హిట్‌ తర్వాత ఎన్టీఆర్ – కొరటాల కలయిక నుంచి వస్తున్న చిత్రం కావడంతో.. దీనిపై ప్రేక్షకుల్లో భారీ అంచనాలు నెలకొన్నాయి.
