బాహుబలి 2 అనేది అద్బుతం. ఈ విశ్వంలో అద్బుతాలు ఎప్పుడు జరగవు. చాలా రేర్‌గా జరుగుతాయి. అలాంటి అద్బుతం ప్రభాస్‌కు వరుసగా రెండు సార్లు జరుగుతుందని ఏ ఒక్కరు అనుకోవడం లేదు. ఖచ్చితంగా సాహో చిత్రం బాహుబలి 2 కలెక్షన్స్‌ను చేరదని అంటున్నారు. అయితే సాహో చిత్రం ‘బాహుబలి’ మొదటి పార్ట్‌ కలెక్షన్స్‌ను బ్రేక్‌ చేస్తే చాలా గొప్ప విషయంగా చెప్పుకోవచ్చు. రాజమౌళి సినిమా కలెక్షన్స్‌ను బ్రేక్‌ చేసిందని సాహోకు మంచి పేరు దక్కడం ఖాయం. అయితే బాహుబలి మొదటి పార్ట్‌ కలెక్షన్స్‌ను కూడా ‘సాహో’ రాబట్టడం కష్టం అనే అనుమానాలు కొందరు వ్యక్తం చేస్తున్నారు. దాదాపుగా 300 కోట్ల రూపాయల బడ్జెట్‌తో రూపొందిన ఈ చిత్రం ఏ స్థాయిలో వసూళ్లు చేస్తుందో ఆగస్టు 30తో వెళ్లడి కానుంది.