ఐతే చీప్‌ స్టార్‌ రవితేజానేనా అజయ్‌?

ఆర్‌ఎక్స్‌ 100 చిత్ర దర్శకుడు అజయ్‌ భూపతి తాజాగా ట్విట్టర్‌లో ‘చీప్‌ స్టార్‌’ అంటూ ఒక పోస్ట్‌ పెట్టి సంచలనం సృష్టించిన విషయం తెల్సిందే. సినిమా ఇండస్ట్రీలో ఎంతో మంది ఎంతో మంది చేతిలో మోస పోవడం జరుగుతుంది. కాని ఏదో ఒక సమయంలో మళ్లీ వారి అవసరం ఉంటుందని లేదంటే సరేలే అని వదిలేసే వారు ఎక్కువగా ఉంటారు. కాని అజయ్‌ భూపతి మాత్రం తతను ఎవరు అయితే మోసం చేశారో వారి పేరును బయటకు చెప్పకుండా చీప్‌ స్టార్‌ అనేశాడు. ఒక దర్శకుడు ఒక వ్యక్తిని తిట్టాడు అంటే ఆ వ్యక్తి ఇచ్చిన మాట తప్పి తన సినిమాలో నటించని కారణం అయ్యి ఉంటుంది.

తాజాగా ఈయన దర్శకత్వంలో తెరకెక్కబోతుందని భావిస్తున్న ‘మహాసముద్రం’ చిత్రం నుండి రవితేజ తప్పుకున్నాడు. ఆ విషయాన్ని స్వయంగా ఆయనే ఒప్పుకున్నాడు. కొన్ని కారణాల వల్ల రవితేజ నా సినిమాలో నటించను అన్నాడు. ప్రస్తుతం అంతకు మించి ఏం చెప్పలేను. ప్రస్తుతం నా సినిమా కోసం కొత్త హీరోను వెదుక్కుంటున్నట్లుగా అజయ్‌ చెప్పాడు. రవితేజ తన సినిమా నుండి వెళ్లి పోయిన కారణంగానే ఆయన్ను చీప్‌ స్టార్‌ అంటూ అజయ్‌ భూపతి విమర్శించి ఉంటాడా అంటూ కొందరు అనుమానాలు వ్యక్తం చేస్తున్నారు. ఈ విషయమై అజయ్‌ భూపతి మాట్లాడేందుకు మాత్రం పెద్దగా ఆసక్తి చూపడం లేదు.