ఐకాన్ స్టార్ అల్లు అర్జున్ హీరోగా ప్రస్తుతం పుష్ప 2 సినిమా రూపొందుతున్న సంగతి తెల్సిందే. భారీ అంచనాలతో రూపొందిన ఈ సినిమాకు సంబంధించిన షూటింగ్ అతి త్వరలోనే పూర్తి చేసి, వచ్చే ఏడాది సమ్మర్ కానుకగా ప్రేక్షకుల ముందుకు తీసుకు వచ్చే విధంగా ప్లాన్ చేస్తున్నారట మేకర్స్. అంతే కాకుండా సినిమా వసూళ్లు కూడా భారీగా వస్తాయి అంటూ యూనిట్ సభ్యులు నమ్మకంతో ఉన్నారు. వెయ్యి కోట్ల టార్గెట్ తో సుకుమార్ ఈ సినిమా ను రూపొందిస్తున్నాడట.. సాధ్యం అయినంత ఎక్కువగా ఈ సినిమా కోసం డేట్లు ఎక్కువగా ఇవ్వాలనే ఉద్దేశ్యంతో అల్లు అర్జున్ భావిస్తున్నాడని తెలుస్తుంది..
ఇక పుష్ప 2 సినిమా తర్వాత అల్లు అర్జున్ సినిమా ఏంటి అనేది మాత్రం క్లారిటీ అయితే రావడం లేదు. త్రివిక్రమ్ దర్శకత్వంలో అల్లు అర్జున్ సినిమా అనే వార్త పై క్లారిటీ రావాలి అంటే మరి కొంత సమయం పట్టే అవకాశం అయితే ఉంది. ఇదే సమయంలో అల్లు అర్జున్ తో ఇటీవల ఒక దర్శకుడు కథ ను చెప్పాడట.. ఆ కథ విషయంలో అల్లు అర్జున్ చాలా ఆసక్తిగా ఉన్నాడు అని తెలుస్తుంది.. ఈ సినిమా ప్రకటన కూడా త్వరలోనే ఉంటుంది అంటూ బన్నీ సన్నిహితులు అంటున్నారు.
అల్లు అర్జున్ పుష్ప సినిమా తర్వాత పాన్ ఇండియా స్టార్ గా నిలిచిన సంగతి తెల్సిందే. దానికి తగ్గట్లుగానే తదుపరి సినిమా ఉంటుంది అంటూ అంతా కూడా చాలా నమ్మకంగా ఉన్నారు. రికార్డు స్థాయి బడ్జెట్ తో అల్లు అర్జున్ తో సినిమాలను నిర్మించేందుకు పలువురు నిర్మాతలు కూడా సిద్ధంగా ఉన్నారు. ఏది ఏమైనా పుష్ప సినిమా విడుదల అయిన తర్వాతే పుష్ప రాజ్ యొక్క తదుపరి సినిమా గురించి అయితే క్లారిటీ వస్తుందని తెలుస్తుంది.