తెలుగు, తమిళ భాషల్లో నటించి తనకంటూ మంచి గుర్తింపు తెచ్చుకున్న నటుడు శరత్‌ కుమార్‌ వారసురాలిగా ఎంట్రీ ఇచ్చి ఆ తర్వాత సినిమాల విషయం పక్కన పెడితే సోషల్‌ మీడియా ద్వారా మాత్రం బాగా పాపులర్‌ అయ్యింది వరలక్ష్మి. అడపా దడపా సినిమాల్లో నటిస్తున్న ఈ అమ్మడు కిడ్నాప్‌ అయ్యిందనే తాజాగా తమిళ మీడియాలో వార్తలు తెగ ప్రచారం అవుతున్నాయి. ఎక్కడో మంచం మీద వరలక్ష్మిని పడుకోబెట్టి, ఆమె నోట్లో గుడ్డను కుక్కి చేతులను బంధించి ఒక చీఫ్‌ కెమెరాతో ఫొటోను క్లిక్‌ మనిపించి సోషల్‌ మీడియాలో పోస్ట్‌ చేశారు. ఈ ఫొటో ప్రస్తుతం సోషల్‌ మీడియాలో హాట్‌ టాఫిక్‌గా మారింది.
వరలక్ష్మి కిడ్నాప్‌ అయ్యిందని సోషల్‌ మీడియాలో తెగ రచ్చ జరుగుతోంది. అయితే వరలక్ష్మి నిజంగా కిడ్నాప్‌ అయ్యిందా..?? ఎవరైనా ఫొటోను మార్ఫింగ్‌ చేసి ఇలా చేశారా..? ఇలా జరుగుతుంటే పోలీసులు ఏం చేస్తున్నారు అని జనాల్లో అనేక సందేహాలు వెల్లువెత్తుతున్నాయి. తమిళ జనాలు కూడా వరలక్ష్మి కిడ్నాప్‌ అయ్యిందనే అనుమానాలు వ్యక్తం చేస్తున్నారు. ఇటీవల నటి భావనపై జరిగిన లైంగిక వేధింపుల పట్ల చాలా సీరియస్‌ అయిన విషయం తెల్సిందే. అంతేకాకుండా తనను చాలామంది హీరోలు కూడా పడక గదికి పిలిచారని, ప్రముఖ మీడియా సంస్థకు చెందిన హెడ్‌ కూడా తనతో అసభ్యకరంగా ప్రవర్తించాడని వరలక్ష్మి సంచలన వ్యాఖ్యు చేసిన విషయం తెల్సిందే. అయితే వరలక్ష్మి కిడ్నాప్‌పై అధికారిక సమాచారం ఇంతవరకు లేదు.
