నితిన్‌ ఈమెకు ఉపయోగపడతాడా..??

నానీ హీరోగా వచ్చిన ‘కృష్ణగాడి వీరప్రేమకథ’ చిత్రంతో తెలుగు ప్రేక్షకులకు దగ్గరయిన మెహ్రీన్‌ కౌర్‌ తన అందంతో పాటు నటనకు కూడా మంచి మార్కులను సొంతం చేసుకుంది. దాంతో ఈ అమ్మడికి వరుస ఆఫర్‌లు వస్తున్నాయి. మెహ్రీన్‌ ఇప్పటికే మాస్‌ మహారాజ్‌ నటిస్తున్న ‘రాజా ది గ్రేట్‌’ చిత్రంలో మరియు సాయిధరమ్‌ తేజ్‌ నటిస్తున్న ‘జవాన్‌’ చిత్రంతో నటిస్తోంది. ఈ రెండు మంచి ప్రాజెక్ట్‌లు చేతిలో ఉండగా మరో క్రేజీ ప్రాజెక్ట్‌ మెహ్రాన్‌కు దక్కింది. పవన్‌ వీరాభిమాని, యంగ్‌ హీరో నితిన్‌ నటిస్తున్న ‘లై’ చిత్రంలో నటించే ఆఫర్‌ వచ్చింది. దాంతో మెహ్రీన్‌ వుంటనే అందుకు ఒకే చెప్పింది.

పవన్‌ మరియు త్రివిక్రమ్‌లు సంయుక్తంగా నిర్మిస్తున్న ఈ చిత్రాన్ని హను రాఘవపూడి తెరకెక్కిస్తున్నాడు. కాగా పవన్‌ నిర్మిస్తున్న చిత్రం కావడంతో ఈ చిత్రంపై ఆసక్తిగానే ఉంది. ఇలాంటి చిత్రంలో మెహ్రీన్‌కు ఆఫర్‌ రావడంతో చాలా ఖుషీ అవుతోంది. అంతేకాకుండా ఈ చిత్రం తన కెరియర్‌కు బాగా కలిసొస్తుందని ఆశాభావం వ్యక్తం చేస్తోంది. కచ్చితంగా ఈ చిత్రం తనకు బాగా ఉపయోగపడుతుందని సన్నిహితులతో చెబుతోంది. మరి ఈ చిత్రంతో నితిన్‌ ఆమెకు ఉపయోగపడతాడా..?? అనేది చూడాలి.