ఎనర్జిటిక్‌ హీరో రామ్‌ ‘ఇస్మార్ట్‌ శంకర్‌’కి ముందు ఫ్లాపుల్లో ఉన్నాడు. దాంతో రామ్‌ సక్సెస్‌ సాధించడం కష్టమే అని అంతా భావించారు. కానీ పూరీ జగన్నాథ్‌ ‘ఇస్మార్ట్‌ శంకర్‌’ చిత్రంతో రామ్‌ మంచి హిట్‌ను సొంతం చేసుకున్నాడు. ఈ చిత్రంతో నష్టాల్లో ఉన్న పూరీ కూడా బయటపడ్డాడు. చాలామందికి బ’ఇస్మార్ట్‌ శంకర్‌’ సక్సెస్‌ ఉపయోగపడింది. ఇకపోతే ఈ చిత్రాన్ని ఎప్పుడంటే అప్పుడు చూసుకునే టైం వచ్చింది. వచ్చేనెల నుండి ‘ఇస్మార్ట్‌ శంకర్‌’ జీ 5లో సందడి చేయనుంది.
జీ 5 యాప్‌తో పాటు జీ టీవీలో కూడా ప్రసారం చేయనున్నారు. ఈ సందడి కోసమే ఇప్పటి వరకు యూట్యూబ్‌లో కూడా సీన్లను కానీ, పాటలను కారీ విడుదల చేయలేదు. జీ 5 యాప్‌ లో రావడానికి ముందే పబ్లిసిటీ చేయడానికి కాబోలు యూట్యూబ్‌లో కొన్ని సన్నివేశాలను అప్‌లోడ్‌ చేయనున్నారు. అనూహ్య స్పందన వచ్చిన ఈ చిత్రాన్ని జీ 5 భారీ రేటుకు కొనుగోలు చేసింది. ఇక అక్టోబర్‌ నుండి జీ టీవీ ద్వారా మరోసారి ఇస్మార్ట్‌ సందడి షురూ కానుంది.
