నాచురల్‌ స్టార్‌ నాని వరుస విజయాలను సొంతం చేసుకుంటూ దూసుకుపోతున్నాడు. ‘గ్యాంగ్‌ లీడర్‌’ చిత్రంతో కూడా తాజాగా మరో హిట్‌ను సొంతం చేసుకున్నాడు. సక్సెస్‌ జోరులో ఉన్న నాని త్వరలో ‘వీ’ చిత్రంలో నటించడానికి కసరత్తులు షురూ చేస్తున్నాడు. ఇంద్రగంటి మోహనకృష్ణ దర్శకత్వంలో ‘వీ’ చిత్ర తదుపరి షెడ్యూల్‌ బ్యాంకాక్‌ లో ప్లాన్‌ చేశారు. త్వరలో బ్యాంకాక్‌ చెక్కేయనున్న నాని సినిమా తో పాటు మరో సరదాని కూడా తీర్చుకోనున్నాడు. భార్య అంజనతో కలిసి బ్యాంకాక్‌ ట్రిప్‌ ప్లాన్‌ చేస్తున్నాడు.
సినిమాతో పాటు భార్య అంజన, కుమారుడుతో బ్యాంకాక్‌లో ఎంజాయ్‌ చేయాలని ఎప్పటి నుండో ప్లాన్‌ చేస్తున్నాడట. అయితే ఈ చిత్రంతో నాని ఒకేసారి రెండు పనులను పూర్తి చేయాలని నాని ప్లాన్‌ చేస్తున్నాడు. నాని ‘వీ’ చిత్రంతో నెగెటివ్‌ షేడ్‌లో కనిపించనుండగా సుధీప్‌ కూడా కీలక పాత్రలొ కనిపించనున్నాడు.
