హలో గురు ప్రేమ‌కోస‌మే పాటలు నేరుగా మార్కెట్లోకి విడుద‌ల అయ్యి మంచి రెస్పాన్స్ తెచ్చుకున్నాయి. సినిమాను ద‌స‌రా సంద‌ర్భంగా అక్టోబ‌ర్ 18న ప్ర‌పంచ వ్యాప్తంగా గ్రాండ్ రిలీజ్ చేయ‌నున్నారు. అక్టోబ‌ర్ 13న వైజాగ్‌లో ప్రీ రిలీజ్ ఫంక్ష‌న్‌ను నిర్వ‌హించ‌నున్నారు.
తాజాగా చిత్ర ట్రైలర్ విడుద‌ల చేశారు మేక‌ర్స్. ఇందులో స‌న్నివేశాలు సినిమాపై ఆస‌క్తిని రేపుతున్నాయి. త‌న ల‌వ్ స‌క్సెస్ అయ్యేందుకు రామ్ ఎన్ని ఎత్తుగ‌డ‌లు వేస్తున్నాడ‌నేది ట్రైల‌ర్‌ని బ‌ట్టి అర్ధ‌మ‌వుతుంది. అలాగే ప్రకాష్ రాజ్, రామ్ ల మధ్య కామెడీ కొత్తగా ఉంది.
కొన్నాళ్లుగా స‌రైన హిట్స్ కోసం ఎదురు చూస్తున్న రామ్ కి మరి ఈ సినిమా ద్వారా అయినా హిట్ వస్తుందేమో చూడాలి. త్రినాధ్ రావు న‌క్కిన ద‌ర్శ‌క‌త్వంలో, దిల్‌ రాజు సమర్పణలో శిరీష్, లక్ష్మణ్ నిర్మాతలుగా.. రూపొందుతోన్న ల‌వ్ ఎంటర్టైనర్ చిత్రంలో విల‌క్ష‌ణ న‌టుడు ప్ర‌కాశ్‌రాజ్, సురేష్‌, పోసాని కృష్ణ ముర‌ళి కీల‌క‌పాత్ర‌లో న‌టిస్తున్నారు. అనుప‌మ ప‌ర‌మేశ్వ‌ర‌న్‌, ప్ర‌ణీత హీరోయిన్స్‌గా న‌టించారు. దేవిశ్రీ ప్ర‌సాద్ సంగీతాన్ని అందించారు. మరి ఈ ట్రైలర్ ఫై మీరు ఓ లుక్ వెయ్యండి.
