కుమారి 21 ఎఫ్ తో ఇండస్ట్రీ కి పరిచయమైన హెబ్బా పటేల్..మొదటి సినిమాతోనే యూత్ కావాల్సిన కిక్ ను ఇచ్చింది. ఆ తర్వాత వరుస అవకాశాలు అమ్మడి తలుపు తట్టాయి. అలాగే సక్సెస్ లు కూడా అమ్మడి ఖాతాలో పడ్డాయి. కానీ అగ్ర హీరోల సరసన నటించే ఛాన్స్ మాత్రం అమ్మడికి రాకపోయేసరికి..స్టార్ హీరోయిన్ స్టేటస్ తెచ్చుకోలేకపోయింది. ఈ లోపు మలయాళ భామల హావ మొదలు కావడం తో కుమారి వైపు చూడడమే మానేశారు.
దీంతో చేసేదేం లేక ఐటెం సాంగ్స్ , గెస్ట్ రోల్స్ చేస్తూ వస్తుంది. ఇటివలే ‘భీష్మ’లో హెబ్బా రెండు సన్నివేశాలతో గెస్ట్ రోల్ చేసింది. ఇక రాజ్ తరుణ్ అప్ కమింగ్ సినిమా ‘ఒరేయ్ బుజ్జిగా’ లో కూడా గెస్ట్ రోల్ లాంటి క్యారెక్టర్ ప్లే చేసింది. ఈ సినిమా రిలీజ్ కావాల్సి ఉంది. అలాగే రామ్ నటిస్తున్న ‘రెడ్’ సినిమాలో హెబ్బా ఓ ఐటెం సాంగ్ చేసింది. అందాల విందుతో ఆకట్టుకునేలా సాంగ్ లో చిందేసిందట. మొత్తం మీద ఛాన్స్ లేకపోవడం తో ఇలా ఐటెం తో కాలం వెళ్లదీస్తుంది.