తెలుగులో ప్రతిష్టాత్మకంగా తెరకెక్కి విడుదలయిన అన్ని భాషల్లో కూడా ఘన విజయం సాధించిన ‘బాహుబలి 2’ చిత్రం గురించి ప్రత్యేకంగా చెప్పనక్కర్లేదు. సినిమాల గురించి ఇంత మాత్రం అవగాహన ఉన్నా కూడా వారికి ‘బాహుబలి’ని పరిచయం చేయాల్సిన అవసరం లేదు. తాజాగా విడుదలయిన ‘బాహుబలి 2’ చిత్ర విజయంలో దర్శకుడు రాజమౌళిదే పై చేయి. ఈ చిత్ర సక్సెస్‌ వెనుక రాజమౌళిదే ప్రత్యేక స్థానం అని సినీ వర్గాల వారు రాజమౌళి ప్రశంసలతో ముంచెత్తుతున్నారు. అలాంటిది ఒక తెలుగు హీరోకు ‘బాహుబలి’ చిత్ర దర్శకుడు ఎవరో తెలియదటా! తెలుగు సినీ పరిశ్రమలో ఉంటూ టాలీవుడ్‌ గర్వించదగ్గ ‘బాహుబలి’ని తెరకెక్కించిన దర్శకుడి పేరు తెలియకపోవడం ఎంత సిగ్గు చేటు.
‘కొమురం పులి’ చిత్రంలో పవన్‌తో రొమాన్స్‌ చేసిన నికిషా పటేల్‌ తాజాగా ఓ తెలుగు హీరోను ‘బాహుబలి 2’ చూశావా అని అడిగిందట. దాంతో ఆ హీరో ‘బాహుబలి 2’ దర్శకుడు ఎవరు అని ఓ వెధవ ప్రశ్న వేశాడట. ‘బాహుబలి 2’ దర్శకుడు ఎవరో తెలియదా..?? ఎంత సిగ్గు చేటు. ఒక తెలుగు హీరో మళ్లీ, ఆ హీరో పేరు చెప్పడానికే నాకు ఎలాగో ఉంది, ఇలాంటి వారు కూడా సినీ పరిశ్రమలో ఉంటారా..?? సాదారణ ప్రేక్షకులకు సైతం ‘బాహుబలి’ గురించి పూర్తి సమాచారం తెలుసు. అలాంటి ఒక హీరోకు ‘బాహుబలి’ గురించి తెలియక పోవడాన్ని ఏమనాలి అంటూ నికీషా పటేల్‌ ట్వీట్‌ చేసింది.
