ఆ సినిమా విమర్శకుల ప్రశంసలు దక్కించుకుంది. అలాగే ఆర్థికంగా కూడా గుణశేఖర్‌కు ఇబ్బందుల లేకుండానే బిజినెస్‌ జరిగింది. ఆ సినిమా పూర్తి అయిన వెంటనే ప్రతాపరుద్రుడు చిత్రాన్ని గుణశేఖర్‌ మొదలు పెడతాడేమో అని అంతా భావించారు. కాని గత కొన్ని రోజులుగా ప్రహ్లాదుడు జీవిత కథతో సినిమా తీస్తాడని ప్రచారం జరుతుంది.
గుణశేఖర్‌ ‘భక్త ప్రహ్లాద’ చిత్రాన్ని కూడా పక్కకు పెట్టాడని, ఆ సినిమాలో నటించేందుకు ఎవరు ముందుకు రాకపోవడంతో మరో స్క్రిప్ట్‌ వర్క్‌పై పడ్డట్లుగా సినీ వర్గాల్లో ప్రచారం జరిగింది. కాని తాజాగా అందుతున్న సమాచారం ప్రకారం గుణశేఖర్‌ తర్వాత సినిమా ప్రహ్లాద జీవిత చరిత్రతోనే అని తేలిపోయింది. తాజాగా ఆయన స్వయంగా మీడియాతో ఈ విషయాన్ని చెప్పుకొచ్చాడు. అయితే ఎప్పుడు ప్రారంభించేంది, ఎవరు ఈ సినిమాలో ఉండేది మాత్రం ఇంకా ఆయన క్లారిటీగా చెప్పలేదు.
అలాగే ఈ సినిమాకు టైటిల్‌గా తాను ‘భక్త ప్రహ్లాద’ అనుకోవడం లేదని, తన మనస్సులో మరో టైటిల్‌ ఉందని, ఆ టైటిల్‌ అందరికి నచ్చుతుందనే నమ్మకం ఉందని చెప్పుకొచ్చాడు. ఒక స్టార్‌ హీరో ఈ చిత్రంలో నటించేందుకు ఆసక్తిగా ఉన్నట్లుగా తెలుస్తోంది. మరో ముఖ్య పాత్రలో ఒక హీరో కొడుకు కనిపించనున్నాడు. సినిమాకు సంబంధించిన పూర్తి వివరాు గుణశేఖర్‌ వచ్చే సంవత్సరం మొదట్లో ప్రకటిస్తాడనే చర్చ జరుగుతుంది.