‘శైలజారెడ్డి అల్లుడు’ చిత్రం వినాయకచవితి కానుకగా సెప్టెంబర్ 13న విడుదల కాబోతోంది. మారుతి దర్శకత్వంలో అక్కినేని నాగచైతన్య, అను ఇమ్మాన్యుయేల్ జంటగా రూపొందిన చిత్రంలో రమ్యకృష్ణ ప్రధాన పాత్రలో కనిపించనున్నది. ఎస్.రాధాకృష్ణ సమర్పణలో సితార ఎంటర్‌టైన్‌మెంట్స్ బ్యానర్‌పై ఈ చిత్రం తెరకెక్కింది. చిత్ర యూనిట్ ఆదివారం ప్రీ రిలీజ్ వేడుకను హైదరాబాద్ లో అంగరంగ వైభవంగా నిర్వహించారు. ఈ వేడుకకు ముఖ్య అతిధులుగా దేవదాస్ లు నాని , నాగార్జున హాజరు కావడం విశేషం.
అయితే ఇప్పుడు తాజాగా ‘‘గోల్డ్ రంగు పిల్లా.. గుండె దోచుకుంది ఇల్లా’’ అంటూ వీడియో పాటను విడుదల చేసారు. అనురాగ్ కులకర్ణి, రమ్య బెహెర, మోహన భోగరాజు, ఎం హరిప్రియ పాడిన ఈ పాట చిత్రానికి స్పెషల్ అట్రాక్షన్‌గా నిలువనుందని తెలుస్తోంది. గోపి సుందర్ అందించిన బీట్స్ , నాగ చైతన్య, అను ఇమ్మాన్యుయేల్ పర్‌ఫార్‌మెన్స్ ఆకట్టుకుంటున్నాయి. ఈ పాటతో సినిమా అంచనాలను పెంచారు అనడంలో ఎటువంటి సందేహం లేదు. మరి మీరు ఓ లుక్ వెయ్యండి.
