అందాల నటి అంజలి ‘గీతాంజలి’ ట్రెండ్‌సెట్టర్‌గా నిలిచిన సంగతి తెలిసిందే. ఈ సినిమాకు సీక్వెల్‌గా రానున్న చిత్రం ‘గీతాంజలి మళ్లీ వచ్చింది’. ఈ చిత్రాన్ని MVV సినిమాస్‌తో కలిసి కోన ఫిల్మ్స్ కార్పొరేషన్‌పై కోన వెంకట్ నిర్మించగా, కొరియోగ్రాఫర్ శివ తుర్లపాటి ఈ చిత్రంతో దర్శకుడిగా పరిచయం అవుతున్నారు. హారర్ కామెడీ జానర్‌లో భారీ బడ్జెట్‌తో రూపొందిన ‘గీతాంజలి మళ్లీ వచ్చింది’ చిత్రం ఇప్పటికే అందరినీ ఆకట్టుకుంది. ఇటీవల విడుదలైన టీజర్ ఈ హారర్ థ్రిల్లర్ పై అంచనాలను మరింతగా పెంచింది.
అయితే నిజానికి ఈ చిత్రాన్ని పలు భాషల్లో మార్చి 22న విడుదల చేయాలని నిర్ణయించారు. ఆ తేదీకి చాలా చిత్రాలు వస్తున్నాయి. అన్ని సినిమాలకు తగిన ప్రాధాన్యం లభించాలనే ఉద్దేశంతో ‘గీతాంజలి మళ్లీ వచ్చింది’ వాయిదా వేశారు. ఈ మేరకు మేకర్లు కొత్త విడుదల తేదీని ప్రకటించారు. ‘గీతాంజలి మళ్లీ వచ్చింది’ సినిమాను ఏప్రిల్ 11న ప్రపంచవ్యాప్తంగా థియేటర్లలో విడుదల చేయనున్నట్టు తెలిపారు.
‘గీతాంజలి’ సినిమా ఎక్కడ ముగిసిందో అక్కడి నుంచి సీక్వెల్ ప్రారంభం కానుంది. ఈ సీక్వెల్‌లో అంజలితో పాటు శ్రీనివాస్ రెడ్డి, సత్యం రాజేష్, షకలక శంకర్, సత్య, సునీల్, రవిశంకర్, శ్రీకాంత్ అయ్యంగార్ ప్రధాన పాత్రలు పోషిస్తున్నారు. ప్రవీణ్ లక్కరాజు సంగీతం అందించారు. ఇకపోతే అంజలికి ఇది 50వ చిత్రం. దీంతో ఈ చిత్రం ఆమెకు ప్రత్యేకంగా మారింది.
Update Alert ‼️
To ensure every film gets its moment in the spotlight 🌟 we're announcing the 𝐍𝐞𝐰 𝐑𝐞𝐥𝐞𝐚𝐬𝐞 𝐃𝐚𝐭𝐞 for #GeetanjaliMalliVachindhi as 𝐀𝐩𝐫𝐢𝐥 𝟏𝟏𝐭𝐡#GMVOnApril11#Anjali50 @yoursanjali @konavenkat99 @MP_MvvOfficial #GV #ShivaTurlapati @Plakkaraju pic.twitter.com/koR5yFsvTU
— Kona Film Corporation (@KonaFilmCorp) February 27, 2024
