ఇది రాజమౌళికి తలకు మించిన భారమే

‘బాహుబలి’ చిత్రంతో సినీ చరిత్రలో ఉన్న పాత రికార్డులను కొట్టేసి కొత్త రికార్డులను నమోదు చేశాడు దర్శకుడు రాజమౌళి. ఈ చిత్ర ఘన విజయం వెనుక రాజమౌళిదే పెద్ద హస్తం. ఈయన అపూర్వ జ్ఞానంతో ‘బాహుబలి’ని సమర్థవంతంగా తెరకెక్కించి ఇంతటి విజయాన్ని సాధించాడు. ఈ చిత్రంతో రాజమౌళి జాతీయ వ్యాప్తంగా గుర్తింపు పొందాడు. దాంతో రాజమౌళి తదుపరి చిత్రంపై అంచనాలు తారా స్థాయిలో ఉన్నాయి. రాజమౌళి చిన్న చిత్రాన్ని చేసినా అభిమాను అస్సలు ఊరుకోరు.

‘బాహుబలి’ చిత్రంతో ఎక్కడకో వెళ్లిపోయిన రాజమౌళి నుండి అన్ని భారీ చిత్రాలే ఆశిస్తున్నారు అభిమానులు. అన్నీ కూడా ‘బాహుబలి’ స్థాయికి తగ్గట్టే ఉండాలని అంటున్నారు. అన్నీ చిత్రాలు ఇలాగే చేయాలంటే ఎలా..?? కానీ అభిమానులు మాత్రం కచ్చితంగా ఇలాంటి సినిమాలే చేయాలి, రాజమౌళి తదుపరి చిత్రం కూడా గొప్పగానే ఉండాలి అని అభిమానులు అంటున్నారు. అభిమానుల డిమాండ్‌లు రాజమౌళికి ప్రస్తుతం తలకు మించిన భారంగా మారుతుంది అని రాజమౌళి సన్నిహితులు అంటున్నారు.