థియేటర్స్ వద్ద అఖండ గెటప్ లో బాలయ్య ఫ్యాన్స్ హంగామా

బాలయ్య-బోయపాటి శ్రీను కాంబినేషన్ లో వచ్చిన హ్యాట్రిక్ మూవీ అఖండ. బాలకృష్ణ కెరీర్ లో అతిపెద్ద రిలీజ్ గా అఖండ నిలిచింది. ఈ మధ్య కాలంలో బాలయ్య మూవీకి ఈ స్థాయి ప్రచారం దక్కలేదు. అడ్వాన్స్ బుకింగ్స్ సైతం రికార్డు స్థాయిలో నమోదయ్యాయి. వీరిద్దరి కలయికలో ఇప్పటికే రెండు చిత్రాలు వచ్చి బ్లాక్క్ బస్టర్ హిట్స్ సాధించడం తో ఈ సారి ఎలాంటి హిట్ అందుకుంటుందో అని అభిమానులు వెయ్యి కళ్లతో ఎదురుచూస్తున్నారు.

ఇక ఇతర దేశాలతో పాటు హైదరాబాద్ లోను ప్రీమియర్ షోస్ పడ్డాయి. ఈ షోస్ చూసేందుకు ఏపీనుండి అభిమానులు ప్రత్యేక బస్సు లో హైదరాబాద్ కు రావడం జరిగింది. అలాగే ఈ ప్రీమియర్ షో టికెట్ సైతం దాదాపు రూ. 3500 పలికినట్లు చెపుతున్నారు. ఇక థియేటర్స్ వద్ద ఓ అభిమాని అఖండ గెటప్ లో వచ్చి అందర్నీ ఆకట్టుకోవడమే కాదు..బాలయ్య ఫై తనకున్న అభిమానాన్ని చాటుకున్నారు.

అఖండ మాస్ జాతర షురూ!!
Wishing Super Duper Success & a big Hatrick to the craziest combination of Balayya & Boyapati for #Akhanda.
All the very best to Ravindra Reddy gaaru & the whole team👍👍.#AkhandaMassJathara #AkhandaRoarFromTomorrow pic.twitter.com/yOa0HerNKR— ram achanta (@RaamAchanta) December 1, 2021

ఇక ప్రీమియర్ షో టాక్ చూస్తే..

ఫస్టాఫ్ మోతమోగించిందని, మాస్ ఆడియన్స్‌ మెచ్చేలా కిక్కిస్తూ బోయపాటి మరోసారి తన మార్క్ స్పష్టంగా చూపించారని అంటున్నారు. సెకండాఫ్ కూడా అంతకుమించిన మాస్ ఎలిమెంట్స్‌తో అద్భుతంగా తెరకెక్కించారని చెబుతున్నారు. ఎప్పటిలాగే బాలకృష్ణ హోల్ అండ్ సోల్ పర్‌ఫార్‌మెన్స్ చూపించగా హీరోయిన్ ప్రజ్ఞా జైస్వాల్, జగపతి బాబు, శ్రీకాంత్‌లు తమ తమ పాత్రలకు న్యాయం చేశారని అంటున్నారు.

బాలయ్య నుండి వచ్చే ప్రతి మాస్ డైలాగ్ థియేటర్స్ లలో ఈలలు వేయించిందని..బాలయ్య కు మాత్రమే ఆ డైలాగ్స్ చెల్లుతాయని అంటున్నారు. ఇక డాన్స్ లలో కూడా బాలయ్య బాగా చేసాడని చెపుతున్నారు. ఇక ఫైట్స్ గురించి చెప్పాలిసిన అవసరం లేదని..కుమ్మేసాడని అంటున్నారు.

ఇక తమన్ బ్యాక్‌గ్రౌండ్ మ్యూజిక్ సినిమాలో మేజర్ అట్రాక్షన్ అని, ఇది కంప్లీట్ మాస్ ప్యాకేజ్ అని ట్వీట్స్ పెడుతున్నారు. నిర్మాణ విలువలు కూడా బాగున్నాయని అంటున్నారు. బాలకృష్ణ అఘోరా పాత్ర అయితే సినిమాలో హైలెట్ పాయింట్ అంటున్నారు. ఓవరాల్ గా అఖండ బ్లాక్ బస్టర్ అని తేల్చి చెపుతున్నారు.