Site icon TeluguMirchi.com

ఫాద్‌ఫాజిల్‌తో పుష్ప-2 కీలక షెడ్యూల్ పూర్తి..


ప్రపంచవ్యాప్తంగా సినీ ప్రేమికులు ఎదురుచూస్తున్న పుష్ప సీక్వెల్ పుష్ప-2 దిరూల్ గురించి ఏ చిన్న అప్‌డేట్ వచ్చినా అది హాట్‌టాపికే. పుష్పగా ఐకాన్‌స్టార్ అల్లుఅర్జున్ నటనకు, బ్రిలియంట్ డైరెక్టెర్ సుకుమార్ దర్శకత్వ ప్రతిభకు ప్రపంచవ్యాప్తంగా ప్రేక్షకులు ఫిదా అయిన సంగతి తెలిసిందే. ఇక అందరూ ఎంతో ఆసక్తిగా ఎదురుచూస్తున్న ఈ సన్సేషన్ కాంబోలో రాబోతున్న పుష్ప-2కు సంబంధించి ఇటీవల అల్లుఅర్జున్ పుట్టినరోజు సందర్భంగా విడుదల చేసిన వేర్‌ఈజ్ పుష్ప, హంట్ ఫర్ పుష్ప కాన్సెప్ట్ వీడియోకు, ఐకాన్‌స్టార్ లుక్‌కు వచ్చిన అనూహ్యమైన స్పందన గురించి ప్రత్యేకంగా చెప్పాల్సిన పనిలేదు.

అయితే తాజాగా పుష్ప-2 గురించి మరో లేటెస్ట్ అప్‌డేట్‌ను విడుదల చేసింది చిత్రబృందం. పుష్ప చిత్రంలో మలయాళ అగ్ర నటుడు ఫహద్ ఫాజిల్ పోషించిన పోలీసాఫీసర్ భన్వర్‌సింగ్ షెకావత్ పాత్ర అందరిని ఎంతగానో అలరించింది. పార్టీ లేదా పుష్ప అంటూ ఆయన చెప్పిన డైలాగ్ చాలా పాపులర్ అయిన సంగంతి తెలిసిందే. పుష్ప-2లో కూడా ఫహద్ ఫాజిల్ పాత్ర కీలకంగా ఉండబోతుంది. గత కొన్ని రోజులుగా మారేడుమిల్లి అటవి ప్రాంతంలో ఫహద్ ఫాజిల్‌పై సుకుమార్ దర్శకత్వంలో కీలక ఘట్టాలను తెరకెక్కించారు. ఇటీవలే ఆ షెడ్యూల్ పూర్తయింది. దీనికి సంబంధించిన ఓ స్టిల్‌ను విడుదల చేసింది చిత్రబృందం.

దీనికి భన్వర్‌సింగ్ షెకావత్ అలియాస్ ఫహద్ ఫాజిల్‌ తాలూకు ముఖ్య సన్నివేశాల చిత్రీకరణ పూర్తయింది. ఈ సారి ఆయన ప్రతీకారం తీర్చుకోవడానికి రాబోతున్నాడు అంటూ క్యాప్షన్‌ను జత చేశారు. రష్మిక మందన్న, ఫహద్ ఫాజిల్ తదితరులు నటిస్తున్న ఈ చిత్రానికి దేవిశ్రీప్రసాద్ సంగీతాన్నందిస్తున్నారు. మైత్రీ మూవీ మేకర్స్ అసోసియేషన్ విత్ సుకుమార్‌రైటింగ్స్ కలయికలో ఈ చిత్రం నిర్మాణం జరుపుకుంటోంది.

Exit mobile version