మహేష్‌ బాబు కెరీర్‌లోనే బిగ్గెస్ట్‌ సక్సెస్‌ను దక్కించుకున్న చిత్రాల్లో ఒకటి ‘దూకుడు’. ఈ చిత్రంకు శ్రీనువైట్ల దర్శకత్వం వహించాడు. దూకుడు చిత్రంతో ప్రిన్స్‌ మహేష్‌బాబు కాస్త సూపర్‌ స్టార్‌ మహేష్‌ బాబు అయ్యాడు. అందుకే ఆ చిత్రం అంటూ మహేష్‌బాబుకు ప్రత్యేకమైన అభిమానం. ఆ చిత్ర దర్శకుడు శ్రీనువైట్లపై ఎప్పటికప్పుడు తన అభిమానంను మహేష్‌బాబు చూపిస్తూనే ఉంటాడు. తాజాగా మహేష్‌ బాబు తనకు ఇష్టమైన దూకుడు చిత్రాన్ని మళ్లీ ప్రేక్షకుల ముందుకు తీసుకు వచ్చే ఏర్పాట్లు చేసినట్లుగా తెలుస్తోంది.
ఈనెల 9వ తారీకున మహేష్‌ బాబు పుట్టిన రోజు సందర్బంగా ఏఎంబీ మల్టీప్లెక్స్‌లో ‘దూకుడు’ చిత్రాన్ని రెండు లేదా మూడు షోలను ప్రదర్శించబోతున్నట్లుగా తెలుస్తోంది. ఈ విషయాన్ని స్వయంగా ఏఎంబీ మల్టీప్లెక్స్‌ ప్రకటించింది. ఆగస్టు 9వ తారీకు దూకుడు చిత్రంను ఏఎంబీలో చూడవచ్చు అంటూ ట్వీట్‌ చేయడం జరిగింది. మహేష్‌బాబు పుట్టిన రోజు సందర్బంగా దూకుడును ప్రదర్శించబోతున్నారు. అయితే అదేం ఫ్రీ కాదు. ఇప్పటికే ఆన్‌లైన్‌ ద్వారా బుకింగ్స్‌ను మొదలు పెట్టారు. మహేష్‌బాబు పుట్టిన రోజును ఇలా మహేష్‌ బాబు ఫ్యాన్స్‌ షేర్‌ చేసుకోబోతున్నారు.
