గ్యాంగ్‌ లీడర్‌ చిత్రం నిర్మాతలు ఎంతగా ఒప్పించే ప్రయత్నం చేసినా కూడా వాల్మీకి టీం వెనక్కు తగ్గలేదు. దాంతో క్లాష్‌ తప్పదని అంతా భావించారు. రెండు సినిమాలకు కూడా డేట్స్‌తో పోస్టర్స్‌ విడుదల చేశారు. ఈ సమయంలో రంగంలోకి దిగిన దిల్‌రాజు ఈ రెండు సినిమాల మద్య మద్యవర్తిత్వం చేసి సినిమా విడుదల విషయంలో వాల్మీకి మేకర్స్‌ను ఒప్పించాడు. వారం ఆలస్యంగా అంటే సెప్టెంబర్‌ 20న వాల్మీకి విడుదల చేసేలా ఒప్పించాడు. నిజానికి ఈ రెండు సినిమాలకు దిల్‌రాజుకు సంబంధం లేదు. కాని ఒక పెద్ద మనిషి తరహాలో ఈ రెండు సినిమాల వివాదంను పరిష్కరించాడని తెలుస్తోంది. దిల్‌రాజు జోక్యం చేసుకోకుంటే ఖచ్చితంగా బాక్సాఫీస్‌ వద్ద రెండు సినిమాల ఫైట్‌ తప్పేది కాదు.