ప్రభాస్, అనుష్క హీరో హీరోయిన్లుగా రానా పవర్ఫుల్ విలన్ గా పెట్టి రాజమౌళి తీసిన అద్భుతం బాహుబలి. ఈ సినిమాతో తెలుగు సినిమాను ప్రపంచ స్థాయికి తీసుకెళ్లాడు దర్శక ధీరుడు రాజమౌళి. ఇందులోని ప్రతి పాత్ర ఇప్పటికీ ప్రేక్షకులకు గుర్తుండిపోతుంది. శివుడు, దేవసేన, భల్లాలదేవ పాత్రలు ఎప్పటికి గుర్తుండిపోతాయి అనడంలో ఎలాంటి అతిశయోక్తి లేదు.
ఈ చిత్రంలో ముఖ్యంగా చెప్పుకోవాల్సింది అనుష్క పాత్ర దేవసేన. అందాల రాశిగా, అదే సమయంలో ముసలి తల్లిగా నటించి మెప్పించింది అనుష్క. అయితే ఈ పాత్రను రాజమౌళి ముందుగా వేరే అమ్మాయికి ఇవ్వాలని అనుకున్నారు. ఆమె రిజెక్ట్ చేస్తేనే అనుష్కకు ఇచ్చారు. ఆమె ఎవరో కాదండోయ్ ఐశ్వర్య రాయ్. అవును.. బాలీవుడ్ లో బాహుబలిని ప్రమోట్ చేయాలంటే ఐశ్వర్య లాంటి అందగత్తె అవసరం అని భావించాడు రాజమౌళి. పైగా యువరాణి అంటే అంత అందంగా ఉండాలని ఆమెను సంప్రదించాడు. కానీ ఐశ్వర్య మాత్రం అప్పటికే తన కూతురు బాగోగులు చూసుకుంటూ ఇంటి వద్దనే ఉంటుంది. ఆ కారణంగానే ఈ సినిమాను రిజెక్ట్ చేసింది. దాంతో ఈ పాత్ర కోసం అనుష్కను తీసుకున్నాడు రాజమౌళి. అనుష్క అయితేనే యువరాణి పాత్రకు న్యాయం చేస్తుందని భావించాడు. ఆయన అనుకున్నట్టు గానే అనుష్క ఆ పాత్రకు ప్రాణం పోసింది. అందుకే దేవసేనగా అందరి గుండెల్లో నిలిచిపోయింది.