వైజయంతి మూవీస్ పతాకంపై అశ్వినీదత్ నిర్మిస్తున్నా టాలీవుడ్ క్రేజీ మల్టీస్టారర్ చిత్రాలలో నాని, నాగ్ నటిస్తున్న దేవదాస్ మూవీ ఒకటి. ఇటీవ‌ల స్మాల్ పెగ్ అంటూ టీజర్ విడుద‌ల చేసి అభిమానులలో సినిమాపై భారీ అంచనాలు పెంచారు. ఇక ఈరోజు సాయంత్రం ఆరుగంట‌ల‌కి చిత్రానికి సంబంధించి తొలి సాంగ్ వీడియో విడుద‌ల చేయ‌నున్నారు. ఈ విష‌యాన్ని పోస్ట‌ర్ ద్వారా తెలిపారు. పోస్ట‌ర్ ఆక‌ట్టుకుంటుంది.
దర్శకుడు శ్రీరామ్ ఆదిత్య తెరకెక్కిస్తున్న ఈ సినిమాపై అభిమానులలో భారీ అంచనాలు ఉన్నాయి. దేవదాస్ లో నాని సరసన ఛలో ఫేం రష్మిక మందాన, నాగార్జున సరసన ఆకాంక్ష సింగ్ కథానాయికలుగా నటిస్తున్నారు. సంపూర్ణేష్ బాబు కూడా చిత్రంలో కీలక పాత్ర పోషిస్తున్నాడు. దేవ్ అనే పాత్రలో డాన్ గా నాగ్, దాస్ అనే పాత్రలో డాక్టర్ గా నాని కనిపిస్తున్నట్లు సమాచారం.
సీనియర్ నరేష్, రావ్ రమేష్, అవసరాల శ్రీనివాస్, బాహుబలి ప్రభాకర్, వెన్నెల కిషోర్, సత్య మొదలగువారు ఈ చిత్రంలో నటిస్తున్నారు. మణిశర్మ ఈ చిత్రానికి సంగీతం అందిస్తున్నారు.. సెప్టెంబర్ 27 చిత్రాన్ని రిలీజ్ చేయనున్నట్టు తెలుస్తుంది.
