మంచి సినిమా వ‌స్తే… దాన్ని త‌న సినిమాగా ప్రచారం చేసే పెద్ద మ‌న‌సు… దాసరి నారాయ‌ణ‌రావుది. చిన్న సినిమా విజ‌యం సాధిస్తే ఆయ‌న మరింత పొంగిపోతారు. ఆయ‌న గుండెను దోచుకొంది.. గుండెజారి గ‌ల్లంత‌య్యిందే. ఈ సినిమాకొస్తున్న ఆద‌ర‌ణ దాసరి దృష్టిలో ప‌డింది. వెంట‌నే ఆయ‌న ఈ సినిమాని ప్రత్యేకంగా చూశారు. అంతేకాదు.. ద‌ర్శకుడునీ, నిర్మాత‌నీ ఇంటికి పిలిచి అభినందించారు. బొమ్మరిల్లు త‌ర‌వాత.. అంత మంచి సినిమా చూశాను.. అని ఆనందంతో చెప్పార‌ట. ప‌తాక సన్నివేశాలు దాస‌రికి మరింత న‌చ్చాయి. నితిన్‌, నిత్యమీన‌న్‌ల న‌ట‌న‌ను ఆయ‌న ప్రత్యేకంగా అభినందించారు. చిన్న సినిమాల ప‌ట్ల త‌న‌కున్న పెద్ద మ‌న‌సు మ‌రోసారి చాటుకొన్నారు.. దాసరి.
