దర్శకరత్న దాసరి నారాయణరావు గతకొంత కాలంగా శ్వాసకోస సమస్యతో బాదపడుతూ కిమ్స్‌ ఆసుపత్రిలో చికిత్స పొందుతున్నారు. దాసరిని చూడడానికి తరుచుగా సినీ, రాజకీయ ప్రముఖులు ఆసుపత్రికి వెళ్లి పరామర్శిస్తున్నారు. తాజాగా దర్శకుడు కృష్ణారెడ్డితో కలిసి ప్రముఖ నిర్మాత అచ్చిరెడ్డి దాసరిని చూడడానికి కిమ్స్‌కు వెళ్లాడు. ఆసుపత్రిలో దాసరి ఆరోగ్య పరిస్థితులను అడిగి తెలుసుకుని అనంతరం వారి తదుపరి సినిమా గురించి దాసరితో చర్చ జరిపారట. ఆసుపత్రిలో ఉన్నా కూడా మా సినిమా విజయం కావాలని కోరుకుంటున్న ఆ మహానుభావుడు త్వరలోనే కోలుకుని ఇంటికి రాబోతున్నాడు అని నిర్మాత అచ్చిరెడ్డి సోషల్‌ మీడియా ద్వారా ప్రకటించారు.
దాసరిని కలిసి సినీ చర్చలు కూడా జరిపామని, ఈయన ఇప్పుడు పూర్తిగా కోలుకున్నాడు అని వైద్యులు చెప్పినట్టు నిర్మాత వెల్లడిరచాడు. దాసరి ఎంత గొప్ప అంటే తాను ఆ స్థితిలో ఉండి కూడా మా యోగ క్షేమాలు అడిగి తెలుసుకున్నాడు, మా సినిమాల వివరాలు అడిగి తెలుసుకున్నాడు. కొన్ని సూచనలు కూడా ఇచ్చాడు. ఇంత గొప్ప మనిషి కాబట్టే తెలుగు సినీ పరిశ్రమ మొత్తం కూడా ఆయన త్వరగా కోలుకోవాలని ప్రార్థిస్తున్నారు అంటూ నిర్మాత అచ్చి రెడ్డి తెలిపారు. పూర్తిగా కోలుకున్న దాసరి త్వరలోనే ఇంటికి కూడా రాబోతున్నాడు అని అచ్చి రెడ్డి సోషల్‌ మీడియా ద్వారా ప్రకటించాడు.
