నాని – కీర్తి సురేష్ జంటగా శ్రీకాంత్ ఓదెల దర్శకుడిగా పరిచయమవుతున్న చిత్రం దసరా. శ్రీ లక్ష్మీ వెంకటేశ్వర సినిమాస్ బ్యానర్ పై సుధాకర్ చెరుకూరి నిర్మిస్తున్న ఈ మూవీ లో నాని ఊర మాస్ గా కనిపించబోతున్నాడు. ఈ సినిమా కథంతా పెద్దపల్లి జిల్లాలోని గోదావరరిఖని లోని సింగరేణి బొగ్గు గనులలో ఉన్న ఒక గ్రామంలో సెట్ చేయబడింది.
ఇప్పటికే విడుదల ‘దసరా’ ఫస్ట్ లుక్ మరియు గ్లింప్స్ కు విశేష స్పందన లభించింది. నాని తన కంఫర్ట్ జోన్ నుంచి బయటకు వచ్చి మాస్ అండ్ రా రస్టిక్ అవతార్ లో అభిమానులకు షాక్ ఇచ్చాడు. ఇంతకు ముందెన్నడూ చూడని పాత్రలో కనిపించనున్నాడని హింట్ ఇచ్చారు. ఇక ఈ మూవీ ని వచ్చే ఏడాది మర్చి నెలలో విడుదల చేస్తున్నట్లు అధికారిక పోస్టర్ తో తెలిపారు. ‘దసరా’ చిత్రాన్ని శ్రీరామ నవమి సందర్భంగా 30 మార్చి 2023న ప్రపంచవ్యాప్తంగా విడుదల కానున్నట్లు తెలిపారు.
ప్రస్తుతం ఈ సినిమా షూటింగ్ నిన్నటి నుంచి హైదరాబాద్ లో వేసిన స్పెషల్ సెట్ లో తిరిగి ప్రారంభమైంది. ప్రధాన తారాగణం అంతా ఈ షూటింగ్ లో పాల్గొంటున్నారు.
