పిక్‌టాక్‌ : లంగాఓనీలో జూనియర్‌ అతిలోక సుందరి

శ్రీదేవి మరణించి సంవత్సరాలు గడిచి పోతున్నా కూడా ఆమె నటించిన ఏదో ఒక సినిమా ప్రతి రోజు బుల్లి తెరపై వస్తూనే ఉంది. దాంతో ఆమెను ప్రేక్షకులు ఎప్పుడు గుర్తు చేసుకుంటూనే ఉన్నారు. ఆమె లేని లోటు ఎవరు పూడ్చలేనిది అంటూ ఆమె అభిమానులు ఆవేదన వ్యక్తం చేస్తున్నారు. శ్రీదేవి కూతురు జాన్వీ కపూర్‌ ఇండస్ట్రీలో అడుగు పెట్టిన విషయం తెల్సిందే. తల్లి వారసత్వంను పునికి పుచ్చుకుని వరుసగా సినిమాలు చేస్తోంది. నేడు శ్రీదేవి జయంతి సందర్బంగా జాన్వీ తిరుమల శ్రీవారిని దర్శించుకునేందుకు వచ్చింది.

ఈ సందర్బంగా స్నేహితురాలితో కలిసి ఈమె దిగిన ఫొటో సోషల్‌ మీడియాలో వైరల్‌ అవుతుంది. లంగాఓనీలో జాన్వీ కపూర్‌ చాలా క్యూట్‌గా తెలుగు అమ్మాయిలా కనిపిస్తుందని, ఉత్తరాదిలో పుట్టి పెరిగినా కూడా సౌత్‌ ఇండియన్‌ ఛాయలు జాన్వీలో క్లీయర్‌గా కనిపిస్తున్నాయంటూ నెటిజన్స్‌ ప్రశంసలు కురిపిస్తున్నారు. మొత్తానికి జాన్వీ కపూర్‌ సౌత్‌ ఇండియన్‌ ట్రెడీషనల్‌ డ్రస్‌లో చూసి శ్రీదేవి అభిమానులు ఆనంద వ్యక్తం చేస్తున్నారు. జూనియర్‌ అతిలోక సుందరిని చూసి శ్రీదేవి లేని లేటును తీర్చేసుకోవచ్చు అంటూ అభిమానులు అభిప్రాయం వ్యక్తం చేస్తున్నారు. జాన్వీ కపూర్‌ ప్రస్తుతం హిందీలో రెండు సినిమాలు చేస్తోంది. మంచి అవకాశాలు వస్తే తప్పకుండా తెలుగు, తమిళంలో కూడా నటిస్తానంటూ జాన్వీ గతంలో పేర్కొంది.