మెగాస్టార్‌ చిరంజీవి ‘ఖైదీనెం.150’ చిత్రంతో మంచి హిట్‌ను సొంతం చేసుకుని తదుపరి చిత్రం కోసం సన్నాహాలు చేస్తున్నాడు. హీరోగా ఇప్పుడు కూడా తన సత్తా ఏంటో చాటిన చిరు ప్రముఖ టీవీ ఛానెల్‌లో ప్రసారం అవుతున్న ‘మీలో ఎవరు కోటీశ్వరుడు’ అనే కార్యక్రమానికి వ్యాఖ్యాతగా వ్వహరిస్తున్నాడు. మొదట్లో ఈ కార్యక్రమానికి నాగార్జున హోస్ట్‌గా వ్యవహరించాడు. అప్పట్లో ఈ షోకు మంచి రేటింగ్స్‌ వచ్చాయి. టీవీ షోలలో ఈ షోనే టాప్‌లో ఉండేది. దాంతో ఈ కార్యక్రమానికి తాను హోస్ట్‌గా వ్యవహరిస్తానని ముచ్చటపడ్డ చిరు యాంకర్‌గా బాగానే చేస్తున్నాడు. కాని చిరు వచ్చినప్పటి నుండి ఈ షోకు పెద్దగా రేటింగ్స్‌ లేవు, టాప్‌ ప్లేస్‌లో నిలబడలేకపోయింది. చాలామంది తారలను తీసుకువచ్చినా కూడా చిరు ఆకట్టులేపోతున్నాడు.
నాగ్‌ ఉన్నప్పటి హవా ప్రస్తుతం ఈ షోకు లేదు. అందుకే ఈ షోకు మంచి రేటింగ్స్‌ తీసుకురావడం కోసం తన ప్రయత్నాలు తాను చేస్తున్నాడు చిరు. సూపర్‌స్టార్‌ మహేష్‌బాబును ఈ కార్యక్రమంకు అతిథిగా తీసుకువస్తే ప్రేక్షకులు కాస్త ఆకర్షితులవుతారు అని గ్రహించి మహేష్‌ను అడిగాడట. చిరు అడగడంతో మహేష్‌ కూడా అందుకు ఒకే అన్నట్టు తెలుస్తోంది. చిరుతో మహేష్‌కు ఉన్న స్నేహం వల్లనే మహేష్‌ ఈ షోకు రాబోతున్నాడు. మహేష్‌ ఎక్కువగా బుల్లితెరపై కనిపించడు కాబట్టి ఈ షో ద్వారా మహేష్‌ కనిపిస్తే కాస్త ప్లస్‌ అవుతుందని భావించిన చిరు రేటింగ్స్‌ కోసం సూపర్‌స్టార్‌ మహేష్‌ సాయాన్ని కోరుతున్నాడు. మహేష్‌ వస్తే ఈ షోకు కాస్త పాపులారిటీ వచ్చినట్టే.
