‘రేసు గుర్రం’ చిత్రంతో ఒక్కసారిగా స్టార్‌ దర్శకుల సరసన నిలిచిన దర్శకుడు సురేందర్‌ రెడ్డి ప్రస్తుతం ప్రతిష్టాత్మక చిత్రం ‘సైరా’ను తెరకెక్కించాడు. పాన్‌ ఇండియా కథతో ఈ చిత్రాన్ని అయిదు భాషల్లో రూపొందించారు. స్వాతంత్ర సమరయోధుడు ఉయ్యాలవాడ నరసింహారెడ్డి కథతో ఈ చిత్రం తెరకెక్కింది. ఈ చిత్రంలో చిరు సరసన నయనతార నటించింది. కాగా ‘సైరా’ అక్టోబర్‌ 2న ప్రేక్షకుల ముందుకు రానుంది. తాజాగా ఈ చిత్రానికి సంబంధించిన ట్రైలర్‌ విడుదలయింది. అయితే ఈ క్రేజీ ప్రాజెక్ట్‌పై మొదటి నుండి అంచనాలు తారా స్థాయిలో ఉన్నాయి. ఇక టీజర్‌తో ఆ అంచనాలు రెట్టింపయ్యాయి. తాజా ట్రైలర్‌ వాటిని మరింతగా పెంచేసింది.
ట్రైలర్‌ చూసి ప్రేక్షులు మాత్రమే కాకుండా సినీతారలు కూడా ఈ చిత్రం కోసం ఎదురుచూస్తున్నామని సోషల్‌ మీడియాలో పోస్ట్‌ చేశారు. ఇక ట్రైలర్‌కు వ్యూస్‌ కూడా రికార్డు స్థాయిలో వస్తున్నాయి. మూడు నిమిషాల ట్రైలర్‌కు ఊహించని రీతిలో స్పందన వస్తోంది. పలు యూట్యూబ్‌ ఛానెళ్లలోని ‘సైరా’ ట్రైలర్‌కు లక్షల్లో వ్యూస్‌ వచ్చాయి. పాపులర్‌ కాని ఛానెళ్లకు సైతం భారీగా వ్యూస్‌ వస్తున్నాయి. అయితే ఈ రేంజ్‌లో ‘సైరా’ ట్రైలర్‌కు స్పందన ఉంటందని చిత్ర యూనిట్‌ కూడా ఊహించి ఉండరు. ఇక ఇప్పుడు అంతా కూడా ‘సైరా’ ఫీవర్‌ వ్యాపిస్తుందని చెప్పవచ్చు.
