మెగాస్టార్‌ చిరంజీవి నటించిన ‘సైరా’ చిత్రం అక్టోబర్‌ 2న ప్రేక్షకుల ముందుకు వచ్చేందుకు ముస్తాబవుతోంది. స్వాతంత్ర సమరయోధుడు ఉయ్యాలవాడ నరసింహారెడ్డి జీవిత చరిత్రతో తెరకెక్కిన ఈ చిత్రం గాంధీ జయంతి సందర్భంగా ప్రేక్షకుల ముందుకు రానుంది. ఈ చిత్రానికి సంబంధించిన ప్రీ రిలీజ్‌ వేడుక ఇటీవలె వైభవంగా జరిగింది. పలువురు సినీ ప్రముఖులు ఈ కార్యక్రమంకు హాజరయి ‘సైరా’కోసం టాలీవుడ్‌ అంతా కూడా ఆసక్తిగా ఎదురుచూస్తోందని చెప్పిన విషయం తెల్సిందే. ఈ చిత్రంలో చిరు సయన్‌ నటిస్తోంది. అనుష్క, తమన్నా, అమితాబ్‌, సుధీప్‌లు కీలక పాత్రల్లో కనిపించనున్నారు.
ఈ చిత్రానికి సంబంధించిన సెన్సార్‌ కార్యక్రమాలు పూర్తయ్యాయి. ‘సైరా’కి యూ/ఎ సర్టిఫికెట్‌ వక్కింది. కాగా సెన్సార్‌ సభ్యులు సినిమా చాలా బాగుందని, అందరికి నచ్చుతుందని, ఆద్యాంతం ఆసక్తిగా కొనసాగుతుందని చెప్పుకొచ్చారు. ఒక్క కట్‌ కూడా లేకుండా సెన్సార్‌ కార్యక్రమాలు పూర్తయ్యాయి.
