మెగా వర్గాల నుండి అందుతున్న సమాచారం ప్రకారం ఈనెల 18న ఎల్బీ స్టేడియంలో జరుగబోతుంది. సైరా చిత్రం ప్రీ రిలీజ్‌ వేడుకకు ముఖ్య అతిథులుగా మంత్రి కేటీఆర్‌, జనసేనాని పవన్‌ కళ్యాణ్‌, జక్కన్న రాజమౌళి ఇంకా కొరటాల శివలు కూడా పాల్గొనబోతున్నారు. ప్రముఖ సినీ నటీనటులు కూడా ఈ ఈవెంట్‌లో పాల్గొనబోతున్నారు. ఈ చిత్రంలో కీలక పాత్రలో నటించిన అమితాబచ్చన్‌ కూడా ఈ ఈవెంట్‌లో పాల్గొనబోతున్నట్లుగా సమాచారం అందుతోంది. మొత్తానికి సైరా చిత్రం ప్రీ రిలీజ్‌ వేడుక తారా తోరణం తరహాలో కనిపించబోతుంది. అక్టోబర్‌ 2న ఈ చిత్రంను ప్రేక్షకుల ముందుకు తీసుకు వచ్చే విషయమై ప్రీ రిలీజ్‌ వేడుకలో క్లారిటీ ఇవ్వబోతున్నారు.