మెగాస్టార్‌ చిరంజీవి 151వ చిత్రం సైరాకు సంబంధించిన ప్రమోషన్‌ కార్యక్రమాలు జోరందుకున్నాయి. సినిమాను మొన్నటి వరకు వాయిదా వేయబోతున్నట్లుగా వార్తలు వచ్చాయి. కాని తాజాగా అందుతున్న సమాచారం ప్రకారం వాయిదా లేదు ఏమీ లేదని తేలిపోయింది. ఇక సినిమా ప్రీ రిలీజ్‌ వేడుక హైదరాబాద్‌లో జరుగబోతుందని వార్తలు వచ్చాయి. కాని ఎక్కడ, ఎవరు గెస్ట్‌లు అనే విషయంపై ఇప్పుడు క్లారిటీ ఇచ్చారు. ఈ విషయమై అధికారికంగా ప్రకటన వచ్చింది.
మెగా వర్గాల నుండి అందుతున్న సమాచారం ప్రకారం ఈనెల 18న ఎల్బీ స్టేడియంలో జరుగబోతుంది. సైరా చిత్రం ప్రీ రిలీజ్‌ వేడుకకు ముఖ్య అతిథులుగా మంత్రి కేటీఆర్‌, జనసేనాని పవన్‌ కళ్యాణ్‌, జక్కన్న రాజమౌళి ఇంకా కొరటాల శివలు కూడా పాల్గొనబోతున్నారు. ప్రముఖ సినీ నటీనటులు కూడా ఈ ఈవెంట్‌లో పాల్గొనబోతున్నారు. ఈ చిత్రంలో కీలక పాత్రలో నటించిన అమితాబచ్చన్‌ కూడా ఈ ఈవెంట్‌లో పాల్గొనబోతున్నట్లుగా సమాచారం అందుతోంది. మొత్తానికి సైరా చిత్రం ప్రీ రిలీజ్‌ వేడుక తారా తోరణం తరహాలో కనిపించబోతుంది. అక్టోబర్‌ 2న ఈ చిత్రంను ప్రేక్షకుల ముందుకు తీసుకు వచ్చే విషయమై ప్రీ రిలీజ్‌ వేడుకలో క్లారిటీ ఇవ్వబోతున్నారు.
