దాదాపు అయిదు సంవత్సరాలుగా తెరకెక్కి ఏడాదిన్నర క్రితమే మొదటి పార్టు విడుదలయ్యి రెండో పార్టు పట్ల చాలా ఆసక్తిని కలిగించింది. ఎంతోకాలంగా ఎదురుచూస్తున్న ‘బాహుబలి 2’ చిత్రం తాజాగా విడుదలయ్యి గతంలో సినీ పరిశ్రమలో ఉన్న రికార్డులన్నీ కూడా బ్రేక్‌ చేస్తోంది. ఈ చిత్రాన్ని చూసిన సినీ ప్రముఖులంతా కూడా ‘బాహుబలి’ టీంపై ప్రశంసలు కురిపిస్తున్నారు. ఇప్పటికే చాలామంది ప్రముఖులు ‘బాహుబలి’ని పొగడ్తలతో ముంచెత్తారు. తాజాగా ‘బాహుబలి 2’ చిత్రాన్ని వీక్షించిన మెగాస్టార్‌ చిరంజీవి ఈ చిత్రంపై స్పందించాడు.
‘బాహుబలి 2’ చిత్రాన్ని చూసిన చిరంజీవి జయహో రాజమౌళి, జయహో ‘బాహుబలి’ అని పొగిడారు. అంతేకాకుండా ఈ చిత్రంలో నటించిన ప్రతి ఒక్క నటీనటులను కూడా అభినందించారు. ఇంత విజయం సాధించింది కాబట్టి దాని వెనుక ఎంతో కష్టం ఉంది, వారందరికి కూడా అభినందనలు అంటూ చిరు ‘బాహుబలి 2’చిత్రంపై ప్రశంసలు కురిపించారు. ఈ చిత్రాన్ని చూసిన ప్రతీ ఒక్కరు కూడా దర్శకుడు రాజమౌళిని ప్రత్యేకంగా అభినందిస్తున్నారు. ఈ చిత్రంలో ప్రభాస్‌, రానా, అనుష్కలు ప్రధాన పాత్రల్లో నటించారు.
