మెగాస్టార్‌ చిరంజీవి 151వ చిత్రం ‘సైరా నరసింహారెడ్డి’ చిత్రీకరణ పూర్తి చేసుకుని విడుదలకు సిద్దం అయ్యింది. ఎప్పుడెప్పుడు సైరా పూర్తి అవుతుందా సినిమాను మొదలు పెడదామా అంటూ ఎదురు చూస్తున్న దర్శకుడు కొరటాల శివ తన పనులను ముమ్మరం చేశాడు. చిరంజీవి 152వ చిత్రంకు దర్శకత్వం వహించబోతున్న కొరటాల శివ ప్రస్తుతం నటీనటుల ఎంపిక కార్యక్రమం చేపట్టాడు. గత కొన్ని రోజులుగా చర్చనీయాంశం అవుతున్న హీరోయిన్‌ విషయమై క్లారిటీ ఇచ్చాడు.
చిరంజీవి సరసన ఈ చిత్రంలో హీరోయిన్‌గా ఇలియానా నటించబోతున్నట్లుగా తెలుస్తోంది. గతంలో ఇలియానా టాలీవుడ్‌లో టాప్‌ హీరోయిన్‌. బాలీవుడ్‌లో ఛాన్స్‌ రావడం వల్ల అక్కడకు వెళ్లి పోయింది. అక్కడ కొంత కాలం మంచి స్టార్‌గా కొనసాగింది. కాని కొంత కాలంగా ఆమెకు అక్కడ బ్యాడ్‌ టైం నడుస్తోంది. ఇలాంటి సమయంలో ఆమె రవితేజతో అమర్‌ అక్బర్‌ ఆంటోనీ సినిమాతో ఎంట్రీ ఇచ్చింది. ఆ సినిమా ఫ్లాప్‌ అవ్వడంతో అవకాశాలు రాలేదు. మళ్లీ ఇప్పుడు చిరు 152వ చిత్రంకు ఇలియానాను ఎంపిక చేసినట్లుగా తెలుస్తోంది. అక్టోబర్‌లో సినిమా చిత్రీకరణ మొదలు పెట్టబోతున్నారు.
