మెగాస్టార్ చిరంజీవి 63వ బర్త్ డే వేడుకలు ఆగస్ట్ 21 సాయంత్రం శిల్ప కళా వేదికలో గ్రాండ్ గా జరిగిన సంగతి తెలిసిందే. అయితే ఈ వేడుకలో విజయవాడకి చెందిన ఏడేళ్ళ చిన్నారి హాసిని గుక్కతిప్పుకోకుండా చిరంజీవి మొదటి సినిమా మొదలు మొన్న వచ్చిన ఖైదీ నెం:150 వరకు ఆయన నటించిన 150 సినిమా పేర్లను, వాటి రిలీజ్ డేట్స్ చెప్పి అందరిని ఆశ్చర్యపరచింది.అంతేకాదు డైరెక్టర్.. ప్రొడ్యూసర్స్.. మ్యూజిక్ డైరెక్టర్ ఎవరు? ఇలా అన్ని వివరాల్ని చెప్పి అందరి దృష్టిని ఆకర్షించింది ఆ చిన్నారి.
ఎంతో మేధోశక్తితో ఆ చిన్నారి చెప్పిన తీరుకి ఇంప్రెస్ అయిన చిరు ఆ పాప వివరాలు తెలుసుకొని, చిన్నారి హాసిని కుటుంబ సభ్యులని తన ఇంటికి పిలిపించుకొని సత్కరించారు. ఆ సమయంలో రామ్ చరణ్ కూడా ఉన్నారు. హాసిని ఫ్యామిలీ మెగాస్టార్ తో దిగిన పిక్ ప్రస్తుతం సోషల్ మీడియాలో వైరల్ అవుతుంది.
చిరంజీవి 63వ బర్త్ డే కార్యక్రమానికి రామ్ చరణ్, అల్లు అర్జున్ , వరుణ్ తేజ్ , అల్లు అరవింద్ తదితరులు హాజరావడం జరిగింది.
