స్టైలిష్ స్టార్ అల్లు అర్జున్ పుష్ప గా వచ్చాడు. నిన్న అల్లు అర్జున్ 38 వ పుట్టిన రోజు సందర్బంగా ఆయన నటిస్తున్న కొత్త చిత్రం తాలూకా ఫస్ట్ లుక్ రిలీజ్ అయ్యింది. ప్రస్తుతం సుకుమార్ డైరెక్షన్లో బన్నీ ఓ మూవీ చేస్తున్న సంగతి తెలిసిందే. బన్నీ పుట్టిన రోజు సందర్భాంగా ఈ మూవీ కి పుష్ప అనే టైటిల్ ను ఫిక్స్ చేస్తూ ఫస్ట్ లుక్ ను రిలీజ్ చేసారు. ఈ ఫస్ట్ లుక్ పోస్టర్ లో బన్ని పూర్తి మాసీగా .. రఫ్ గా కనిపించి ఆకట్టుకున్నాడు.
గతేడాది నవంబర్‌లోనే బన్నీ ఈ సినిమా పేరును బయట పెట్టాడని..కాకపోతే ఎవరు అప్పుడు పట్టించుకోలేదని అల్లు అర్జున్ ఫ్యాన్స్ జోరుగా చర్చించుకుంటున్నారు. 2019 న‌వంబ‌ర్ 27న సుకుమార్‌ని ఉద్దేశిస్తూ బన్నీ చేసిన ట్వీట్‌ను సాక్షంగా చూపుతున్నారు నెటిజన్స్. అల్లు అర్జున్ టైటిల్ అప్పుడే చెప్పేశాడు. మనమే గుర్తించలేకపోయామంటూ తెగ బాధపడిపోతున్నారు. మైత్రి మూవీస్ నిర్మిస్తున్న ఈ చిత్రానికి దేవి శ్రీ మ్యూజిక్ అందిస్తున్నాడు. రష్మిక హీరోయిన్.