ఏప్రిల్ 08 మెగా అభిమానులకు పెద్ద పండగ రోజు. ఎందుకంటే స్టైలిష్ స్టార్ అల్లు అర్జున్ తో పాటు అకిరా నందన్ పుట్టిన రోజు దీంతో మెగా అభిమానుల్లో డబుల్ సెలెబ్రేషన్స్ జరుపుకుంటున్నారు. ఈ సందర్బంగా సోషల్ మీడియా లో మెగా అభిమానులతో పాటు సినీ ప్రముఖులు ఇద్దరికీ బర్త్ డే విషెష్ అందిస్తూ తమ అభిమానాన్ని చాటుకుంటున్నారు.
పవన్ కళ్యాణ్, రేణు దేశాయ్ ల మొదటి సంతానం అయిన అకిరా నందన్. పవన్ కల్యాణ్ తర్వాత వారసుడు ఎవరు అంటే అకిరా నందన్ అని చెబుతుంటారు ఫ్యాన్స్. ఇక అకిరా కూడా తనకు వీలు దొరికినప్పుడల్లా తండ్రి దగ్గరకు వస్తుంటాడు. అటు పెదనాన్న చిరంజీవి ఫ్యామిలీతో కూడా అకీరా కలిసే ఉంటాడు.
ప్రస్తుతం వినిపిస్తున్న సమాచారం ప్రకారం రామ్ చరణ్ తన కొణిదెల ప్రొడక్షన్ కంపెనీలోనే అకీరా తొలి సినిమాను నిర్మిస్తాడని తెలుస్తుంది. సొంత నిర్మాణ సంస్థలోనే తమ్ముడు సినిమా ఉండబోతుందనే ప్రచారం అయితే జరుగుతుంది. మొత్తం మీద అకిరా బర్త్ డే ను పవన్ ఇంట్లో ఎంతో సంతోషం గా జరుపుకుంటున్నారు.