సోమవారం చిత్ర సీమకు చేదు రోజు అనే చెప్పాలి. తెలుగు ఇండస్ట్రీ కి చెందిన ఇద్దరు మరణించగా..కన్నడ స్టార్ కమెడియన్ బుల్లెట్‌ ప్రకాశ్‌ (44) సైతం కన్నుమూశారు. కాలేయ, కిడ్నీ సంబంధిత వ్యాధితో బాధపడుతున్న ఆయన బెంగుళూరులోని ఓ ప్రైవేటు ఆస్పత్రిలో చికిత్స పొందుతూ తుదిశ్వాస విడిచారు. జీర్ణ సంబంధమైన సమస్యతో ఆయన మార్చి 31న ఆస్పత్రిలో చేరగా.. కిడ్ని, కాలేయ వ్యాధులు ఉన్నాయని తేలింది.
ఈక్రమంలోనే ఆయన ఆరోగ్య పరిస్థితి విషమించడంతో వెంటిలేటర్‌పై ఉంచి చికిత్స అందిస్తూ వచ్చారు. కానీ డాక్టర్స్ ఎంత ట్రై చేసిన చివరకు ఆయన ప్రాణాలు కాపాడలేకపోయారు. దాదాపు 300లకు పైగా సినిమాల్లో నటించిన ప్రకాశ్‌ కన్నడ సినీ రంగంలో కమెడియన్‌గా మంచి పేరు సంపాదించారు. పునీత్‌ రాజ్‌కుమార్‌, దర్శన్‌, శివరాజ్‌కుమార్‌, ఉపేంద్ర, సుదీప్‌ కిచ్చ వంటి బడా హీరోలతో కలిసి నటించి ప్రేక్షకులను అలరించారు.
