పవర్ స్టార్ పవన్ కళ్యాణ్, సాయి ధరమ్ తేజ్ ప్రధాన పాత్రలో సముద్రఖని దర్శకత్వంలో తెరకెక్కుతున్న మూవీ ‘బ్రో’. ఈ సినిమాని పీపుల్స్ మీడియా ఫ్యాక్టరీ పతాకంపై టీజీ విశ్వప్రసాద్‌ నిర్మిస్తున్నారు. ఈ సినిమా జూలై 28 న ప్రేక్షకుల ముందుకు రాబోతుంది. ఇక ఇప్పటికే ఈ సినిమా నుండి విడుదల చేసిన ఫస్ట్ లుక్ పోస్టర్, టీజర్ కు మాసివ్ రెస్పాన్స్ రాగా.. తాజాగా ఈ సినిమా నుండి ఫస్ట్ సింగిల్ రిలీజ్ కానుంది.
‘బ్రో’ సినిమా నుండి ఫస్ట్ సాంగ్ ‘మై డియర్ మార్కండేయ..’ ను రేపు(జూలై 8) సాయంత్రం 4.05 గంటలకు రిలీజ్ చేయనున్నట్లు చిత్రయూనిట్ తెలిపింది. ఇక ఈ పోస్టర్ లో మామ, అల్లుళ్ళ లుక్ అదిరింది. ఇద్దరూ బ్లాక్ డ్రెస్ లో చాలా స్టైలిష్ గా ఒకరిని మించే విధంగా ఒకరు ఉన్నారు. ఇక ఈసినిమాకి థమన్ సంగీతం అందిస్తున్నారు. ఈ చిత్రంలో ప్రియా ప్రకాశ్ వారియర్‌, కేతిక శర్మ ఫీ మేల్ లీడ్ రోల్స్ లో నటిస్తున్నారు. రోహిణి, బ్రహ్మానందం, తనికెళ్లభరణి, సుబ్బరాజు, రాజా చెంబోలు ఇతర కీలక పాత్రల్లో నటిస్తున్నారు.