మాస్ మేకర్ బోయపాటి శ్రీను ‘అఖండ’ బ్లాక్‌బస్టర్ విజయం తర్వాత ఉస్తాద్ రామ్ పోతినేనితో తెరకెక్కిస్తున్న మాస్ యాక్షన్ ఎంటర్టైనర్ ‘స్కంద’. ఈ సినిమాలో రామ్‌ని పూర్తిగా డిఫరెంట్ లుక్‌ లో చూపిస్తున్నారు బోయపాటి. రామ్ సరసన శ్రీలీల హీరోయిన్ గా నటిస్తుంది. ఇక ఈ సినిమా నుండి ఇప్పటికే రిలీజైన టీజర్, టైటిల్ గ్లింప్స్‌ కు ట్రెమండస్ రెస్పాన్స్ లభించగా, ఫస్ట్ సింగిల్ నీ చుట్టు చుట్టు చార్ట్‌బస్టర్‌ గా నిలిచింది. ఎస్ థమన్ స్వరపరిచిన ఈ పాట అన్ని మ్యూజిక్ చార్ట్‌లలో అగ్రస్థానంలో ఉంది. ఈ పాటలో రామ్, శ్రీలీల ఎనర్జిటిక్ ఎలిగెంట్ డ్యాన్స్ మూమెంట్స్ తో అందరినీ ఆశ్చర్యపరిచారు.
ఇదిలావుండగా మాసీవ్ సెట్‌లో లీడ్ పెయిర్, డ్యాన్సర్‌లపై చివరి పాటను చిత్రీకరించారు. దీంతో స్కంద షూటింగ్ పార్ట్ మొత్తం పూర్తయిందని ఫోటోను షేర్ చేసారు మేకర్స్. ఈ ఫోటోలో రామ్, శ్రీలీల.. దర్శకుడు బోయపాటి శ్రీను, నిర్మాత శ్రీనివాస చిట్టూరితో కలిసి ఫ్యాన్సీ దుస్తులలో కనిపించారు. ఇకపోతే ఈ సినిమా షూటింగ్ పూర్తవడంతో, ఇప్పుడు మేకర్స్‌కి సినిమా ప్రమోషన్‌ కు తగిన సమయం దొరికింది. పోస్ట్ ప్రొడక్షన్ పనులు కూడా శరవేగంగా జరుగుతున్నాయి. ఇది పాన్ ఇండియా ప్రాజెక్ట్ కాబట్టి దేశవ్యాప్తంగా ఇతర భాషల్లో కూడా దీన్ని జోరుగా ప్రచారం చేయాలనుకుంటున్నారు.
శ్రీనివాసా సిల్వర్ స్క్రీన్ బ్యానర్‌ పై అత్యున్నత సాంకేతిక ప్రమాణాలు, నిర్మాణ విలువలతో భారీ బడ్జెట్‌తో శ్రీనివాస చిట్టూరి ప్రతిష్టాత్మకంగా నిర్మిస్తున్న ఈ చిత్రం.. తెలుగు, తమిళం, కన్నడ, మలయాళం, హిందీ భాషల్లో సెప్టెంబర్ 15న ప్రపంచ వ్యాప్తంగా విడుదల కానుంది.
It’s a wrap for our #Skanda shoot with a song! 🎬❤️🔥
Get ready for the massive energetic combo massive feast on September 15th🔥🔥 #SkandaOnSep15 #RAmPOthineni
Ustaad @ramsayz @sreeleela14 #BoyapatiSreenu @MusicThaman @srinivasaaoffl @SS_Screens @detakesantosh @StunShiva8… pic.twitter.com/lIPFJCVys9
— Srinivasaa Silver Screen (@SS_Screens) August 9, 2023
