బాలీవుడ్ మెగాస్టార్ అమితాబ్ బచ్చన్, మిస్టర్ పర్ఫెక్ట్ అమిర్ ఖాన్ హీరోలుగా, కత్రినా కైఫ్‌, ఫాతిమా సనా షేక్‌ హీరోయిన్లు గా నటిస్తున్న ‘థగ్స్ ఆఫ్ హిందుస్థాన్’ ట్రైలర్ ఈ రోజు విడుదల చేయడం అయ్యింది. అయితే థగ్స్ ఆఫ్ హిందుస్థాన్ ట్రైలర్‌ను చూపించడానికి వీళ్లందరినీ రణ్‌బీర్ ఇంటికి ఆహ్వానించినట్లు వార్తలు వస్తున్నాయి.
బాలీవుడ్ బాద్‌షా షారుక్‌ఖాన్, మిస్టర్ పర్ఫెక్షనిస్ట్ ఆమిర్‌ఖాన్, రణ్‌వీర్ సింగ్, ఆలియా భట్, దీపికా పదుకోన్, కరణ్ జోహార్ రణ్‌బీర్ ఇంటికి వచ్చిన సందర్భంగా ఎంతో హ్యాపీ మూడ్‌లో అందరూ కలిసి ఫొటోకు పోజిచ్చారు. ఇప్పుడు ఈ ఫొటో ఇంటర్నెట్‌లో సంచలనాలు సృష్టిస్తున్నది. ఆ ఫొటో చూసి అభిమానులు పండుగ చేసుకుంటున్నారు.
రణ్‌బీర్ ఇంటి దగ్గర రణ్‌వీర్, కరణ్, దీపికా, షారుక్, ఆమిర్‌కు తమ కార్లలో కనిపించారు. ఈ ఫొటోలో రెండు టాప్ జోడీలు కూడా ఉన్నాయి. వీళ్లలో రణ్‌వీర్, దీపికా నవంబర్‌లో పెళ్లికి సిద్ధమవుతున్నట్లు వార్తలు వస్తున్నాయి. ఇక ఈ లవ్ బర్డ్స్ జాబితాలోకి ఈ మధ్యే రణ్‌బీర్, ఆలియా చేరారు. ద బిగ్గెస్ట్ బ్లాక్‌బస్టర్ ఎవర్ అంటూ అక్కడ వారు దిగిన ఈ ఫొటోను తన ఇన్‌స్టాగ్రామ్ అకౌంట్‌లో షేర్‌చేశాడు కరణ్ జోహార్.
