సామాన్యులే కాదు, సెలబ్రిటీస్‌ కూడా మోడీ మాయలో!

భారత ప్రజలు  ప్రధాని నరేంద్ర మోడీకి భారీ మెజార్టీతో ప్రధాని పట్టం కట్టబెట్టారు. ఈ భాకీ మెజార్టీ కేవలం సంక్షేమ పథకాలతోనే కాదు ఆయన మాటలతో కూడా చాలా మందిని కట్టిపడేశారు. మోడీ ఉపన్యాసాలు విని సామాన్యులు ఇక ఆయన మాయలో పడతారు అనడంలో సందేహం లేదు. ఎటవంటి సమావేశాలు అయినా సరే అనర్గళంగా, చేతిలో పేపరు లేకుండా టైంతో పని లేకుండా మాట్లాడుతారు. తాజాగా అమెరికాలో హౌడీ మోడీ కార్యక్రమం విజయవంతంగా జరిగింది. ఈ కార్యక్రమంలో భారత ప్రధాని మోడీ, అమెరికా అధ్యక్షుడు డొనాల్డ్‌ ట్రంప్‌లు పాల్గొన్నారు.

ఇరు దేశాల మధ్య చాలా విషయల్లో చర్చ జరిగింది. ప్రపంచ దేశాలు చర్చించుకునేలా హౌడీ మోడీ కార్యక్రమం సక్సెస్‌ అయింది. దీనిలో భాగంగా మోడీ ప్రసంగం యావత్‌ భారతీయుల్ని ఆకట్టుకుంటోంది. సోషల్‌ మీడియా వేదికగా మోడీపై ప్రశంసలు కురిపిస్తున్నారు. అయితే ఈ మాటల మాయకు కేవలం సామాన్యులే కాదు సెలబ్రిటీస్‌ కూడా పడిపోయారు. బాలీవుడ్‌ సినీ ప్రముఖులు సల్మాన్‌ఖాన్‌, అక్షయ్‌ కుమార్‌, వివేక్‌ ఒబెరాయ్‌, రిషి కపూర్‌ వంటి వారు మోడీని పొగడ్తలతో ముంచెత్తుతున్నారు. ఇక సామాన్య ప్రజలు కూడా సోషల్‌ మీడియాలో మోడీ పై ప్రశంసలు కురిపిస్తున్నారు.