కళ్యాణ్ రామ్ నటించిన బింబిసార బాక్స్ ఆఫీస్ వద్ద కలెక్షన్ల వర్షం కురిపిస్తుంది. కళ్యాణ్ రామ్ , కాథరిన్ ట్రెసా, సంయుక్త మీనన్ జంటగా వశిష్ఠ డైరెక్షన్లో తెరకెక్కిన సినిమా బింబిసార. టైమ్ ట్రావెల్ సోషియో ఫాంటసీ కథతో తెరకెక్కిన ఈ మూవీ లో కల్యాణ్రామ్.. పౌరాణిక పాత్రలో కనిపించారు. చిరంతన్ భట్ ఈ సినిమా పాటలకి సంగీతం అందించగా.. ఎం ఎం కీరవాణి బాక్గ్రౌండ్ స్కోర్ అందించారు. ఎన్టీఆర్ ఆర్ట్స్ బ్యానర్పై కల్యాణ్రామ్ స్వయంగా నిర్మించారు. శుక్రవారం ప్రేక్షకుల ముందుకు వచ్చిన ఈ మూవీ హిట్ టాక్ తో వసూళ్ల వర్షం కురిపిస్తుంది. కేవలం నాల్గు రోజుల్లో లాభాల బాట పట్టింది.
నాలుగు రోజుల కలెక్షన్స్ చూస్తే..
నైజాంలో 6.47 కోట్ల షేర్, 11.0 కోట్ల గ్రాస్ వసూళ్లను రాబట్టింది. సీడెడ్‌లో 3.93 షేర్, 5.6 కోట్ల గ్రాస్ సాధించింది. వైజాగ్‌లో 2.58 కోట్ల షేర్, ఈస్ట్ గోదావరి జిల్లాలో 1.15 కోట్లు, పశ్చిమ గోదావరి జిల్లాలో 83 లక్షలు, కృష్ణా జిల్లాలో 99 లక్షలు, గుంటూరు జిల్లాలో 1.42 కోట్లు, నెల్లూరు జిల్లాలో 56 లక్షలు వసూలు చేసింది. వరల్డ్ వైడ్ గా చూస్తే.. 20.57 కోట్ల షేర్, 34.2 కోట్ల గ్రాస్ వసూళ్లను సాధించింది. ఈ సినిమా థియేట్రికల్ బిజినెస్ 15 కోట్లుగా నమోదవ్వడంతో 16 కోట్ల మేర బ్రేక్ ఈవెన్ సాధించాల్సి వచ్చింది. అయితే ప్రస్తుతం 4 కోట్లకుపైగా లాభంతో బింబిసార రాణిస్తుంది.
