తెలుగులో బిగ్ బాస్ 3 షో కు మంచి స్పందనే వచ్చిన సంగతి తెలిసిందే. ఇప్పుడు ఈ షో మరోసారి బుల్లితెర ఫై సందడి చేయబోతుంది. లాక్ డౌన్ కారణంగా ప్రజలంతా ఇంటికే పరిమితం కావడం తో వారిని అలరిపింపజేసేందుకు మరోసారి ఈ షో ను ప్రసారం చేయబోతున్నారు స్టార్ మా.
సోమవారం నుంచి శనివారం మధ్యాహ్నం మూడు గంటలకు బిగ్‌బాస్‌ తెలుగు సీజన్‌-3 మెమొరీస్‌ను ప్రసారం చేయనున్నట్టు స్టార్ మా వెల్లడించింది. ఈ మేరకు ట్విటర్‌లో ఒక ప్రకటన చేసింది. ‘21 రోజుల లాక్‌డౌన్‌ సమయంలో ప్రతిఒక్కరు బిగ్‌బాస్‌ హౌస్‌లో ఉన్నట్టు అనుభూతి పొందుతున్నారు. అందుకే మరోసారి బిగ్‌బాస్‌ తెలుగు సీజన్‌-3 మెమొరీస్‌ని చూసేద్దాం’ అని పేర్కొంది.
