బాలీవుడ్‌ మెగాస్టార్‌ అమితాబచ్చన్‌కు సినీ అత్యున్నత పురస్కారం దాదాసాహెబ్‌ ఫాల్కే అవార్డు వరించింది. ఈ విషయాన్ని కేంద్ర సమాచార శాఖ మంత్రి ప్రకాష్‌ జవదేకర్‌ ప్రకటించారు. ట్విట్టర్‌ ద్వారా ఈ విషయాన్ని ఆయన వెళ్లడించారు. గత అయిదు దశాబ్దాలుగా ఇండియన్‌ స్క్రీన్‌పై స్టార్‌గా వెలుగు వెలుగుతున్న ఆయన ఎన్నో అద్బుతమైన పాత్రలు పోషించి ఈతరం ప్రేక్షకులకు కూడా ఎంటర్‌టైన్‌ అందించాడు. ప్రతి ఒక్క పాత్రకు ప్రాణం పెట్టి నటించే ఆయనకు ఈ అవార్డు ఎప్పుడో రావాల్సింది అంటూ ఆయన అభిమానులు అంటున్నారు.
దాదాసాహెబ్‌ ఫాల్కే అవార్డు రావడంతో అమితాబ్‌ అభిమానులకు అవధులు లేకుండా పోయాయి. అమితాబచ్చన్‌కు అవార్డు వచ్చిన సందర్బంగా పెద్ద ఎత్తున అభినందలు తెలుపుతున్నారు. బిగ్‌బి అమితాబచ్చన్‌ ఇప్పటికే కేంద్ర ప్రభుత్వంతో పద్మ అవార్డుతో కూడా సన్మానించబడ్డాడు. ఇప్పుడు ఏకంగా దాదాసాహెబ్‌ ఫాల్కే అవార్డు రావడం జరిగింది. బిగ్‌బి అమితాబచ్చన్‌ ఇప్పటికి కూడా బుల్లి తెర మరియు వెండి తెరపై తన నటనతో పాటు తన కార్యక్రమాలతో ప్రేక్షకులను అలరిస్తూనే ఉన్నాడు. ఆయనకు ఈ అవార్డు వచ్చిన సందర్బంగా మా తరపున మీ తరపున హార్థిక శుభాకాంక్షలు తెలియజేస్తున్నాము.
