ప్రముఖ దర్శకుడు రామ్ గోపాల్ వర్మ సమర్పిస్తున్న ప్రేమకథాచిత్రం “భైరవగీత”. ఈ సంచలన ద‌ర్శ‌కుడుకి కొన్నాళ్ళుగా స‌రైన స‌క్సెస్ రావ‌డం లేదు. తన హోమ్ బేనర్ కంపెనీ ప్రొడక్షన్స్ పై ఆఫీసర్ అనే చిత్రాన్ని నిర్మించిన వర్మకి ఈ సినిమా నిరాశ పరచింది. దీంతో కొన్నాళ్లు మౌనంగా ఉన్నాడు. ఇక ఇప్పుడు ఈ చిత్రాన్ని తన నిర్మాణంలో రూపొందిస్తున్నాడు. భైరవగీత అనే టైటిల్ తో రూపొందిన ఈ చిత్రంలో ధనన్జయక మరియు ఇర్రా హీరో హీరోయిన్ లుగా నటిస్తున్నారు. సిద్ధార్ధ తాతులు ఈ మూవీతో దర్శకుడిగా పరిచయం కాబోతున్నాడు.
యాక్షన్ మరియు క్లాస్ స్ట్రగుల్ నేపథ్యంలో తెరకెక్కుతున్న ఈ సినిమా కథకి ఇంప్రెస్ అయిన ప్రముఖ నిర్మాత అభిషేక్ నామ చిత్ర హక్కులను సొంతం చేసుకోగా, ఈ సినిమాని అభిషేక్ పిక్చర్స్ బ్యానర్ పతాకంపై గ్రాండ్ గా రిలీజ్ చేసేందుకు సన్నాహాలు చేస్తున్నారు. అయితే కొద్ది సేప‌టి క్రితం చిత్ర ట్రైల‌ర్ విడుద‌ల చేశారు.
అయితే ట్రైల‌ర్ చూస్తుంటే ఈ మూవీ ఆర్ఎక్స్ 100 ని మించి అభిమానులని త‌ప్ప‌క అల‌రించ‌నుంద‌ని అర్ధ‌మ‌వుతుంది. మంచి కంటెంట్ తో వచ్చిన సినిమాలన్నీ భారీ విజయం సాధించడంతో ఈ సినిమా ఫలితంపై ఆస‌క్తి నెలకొంది. తాజాగా విడుద‌లైన ట్రైల‌ర్‌పై మీరు ఓ లుక్కేయండి.
